LEU KACHENG 15:30 - Khumi Common Language Bible

³⁰ Panuiyhm nai meimai ly amo theu hai reng; hawi nai satang ly hiu aleng ai amo theu hai reng.

LEU KACHENG 15:30 ပူးပေါင်းရင်းမြစ်များ

EZARA 9:8

Aw kaichi i Areng Tameuh, nang ly kaichi ai pahen nai deaungkho y, cheng takhrachi kiu i nai lawi hai iy, vai ly tahm asang parai nai kachai meingtym y, neng maidenreichy sala y phrumai by y pa-rei awm ai nai pei bo. Nang ly kaichi ai miseaungra i nai alaw hai iy khumi kangtha lawm ai nai pei bo.

SAM 89:15

Khulym thui naimy nang ai chiu nai khumichi hawi, nang i pahen nai kangvang y awm nai khumichi ly khri pa-rei taham hawi na a!

LEU KACHENG 12:25

Paleungbi naira ly khumi ai paleung si hai pajau; na i py pahen nai leu ly khumi i paleung amo theu hai ai.

LEU KACHENG 13:9

Leu meitang teaung nai khumichi ly angvang teaung nanai kangvang hawi atawm; khumi hawi y naichi ly jumryh jumryh reng nai maisi yhm hawi atawm.

LEU KACHENG 15:29

Areng ly khumi kahawichi i chiu sa nai tangai pi; na i py khumi hawi y naichi i chiu sa nai ai ly dawndan pi y nai ne.

LEU KACHENG 15:31

Thui parip nai ai tahm khai reng nai khumi ly cheng naira awm nai khumi ne.

LEU KACHENG 17:22

Paleung amo theu nai ly noso aho hai reng. Avawrei meimai takhuisui nai ly deira y ang vum hai dudu nai ne.

LEU KACHENG 25:25

Kamlo paraira i satang kahawi thai nai ly tui kanghai tao phuirawm nai thym khala, tui savai nei nai hawi atawm.

LEU KACHENG 3:8

Huna nai sa baly asi kahawi teaung nai kamta, nang i tamochi tha ai i, nang i no patang naichi py dam ai.

Parip nai leu 11:7

Apu parai nai kanito i kangvang ai nga nai ly hawi nai ne.

ISAIA 58:11

Kai py nangchi ai lam patei jojo iy, kani kabi jengha nai meingtymra y cha nei pawichi hawi kajeu kawi hai ai. Nangchi ai noso aho hai iy ham hai ai. Nangchi ly tui nga hawihai nai akhobai kamta py, mana khala py tui kang vai y nai tavo micheaung kamta py lawm ai.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.