LEU KACHENG 15:28 - Khumi Common Language Bible

²⁸ Khumi kahawi ly leu pathang y rai khala, dawn pasym reng; khumi hawi y naichi ly pathang praw ryp; na i py patang naira tym hai reng nai ne.

LEU KACHENG 15:28 ပူးပေါင်းရင်းမြစ်များ

SAM 59:7

Nichi i mei aniu y naimy pajei nai leu ai ly tangai ba. Nichi i palai ly haisau kamta ne; na i py nichi my, “Kaichi i leu ai amimy thai ai mo?,” nanai katheu u bo.

LEU KACHENG 10:19

Leu katheu nai nawi baly, tamang nai py nawi reng. Tau cheng nai khumi ly awm pypy nai ne.

LEU KACHENG 10:32

Khumi meitangchi ly kapahenra kawi angym nai leuchi katheu u reng; na i py khumi hawi y naichi ly no hai au nai leuchi katheu u reng nai ne.

LEU KACHENG 13:16

Cheng naira awm nai khumi ly kalop sai sairei so y rai khala, adawn yb reng; khumi hawi y naichi ly mymychi teng y, cheng naira by y nai amthang leaung nai ne.

LEU KACHENG 15:2

Cheng nai khumichi i leu ly pany thai nai cheng nai kamlau katheu reng; na i py khumi ka-khum i labeaung ly ka-ym by y nai leuchi katheu reng nai ne.

LEU KACHENG 16:23

Tau cheng naira awm nai khumichi ly leu katheu y rai khala dawn pasym thai. Hunai deaungkho y katheu nai leu ly khumichi i paleung ai parawi pajau nai ne.

LEU KACHENG 29:11

Cheng naira by y nai khumichi ly mychi i kado theu nai sai amteng hai reng nai ne. Na i py cheng nai khumichi ly paleung sau iy, kado katheu am-yh vui pajau nai ne,

LEU KACHENG 29:20

Tau cheng naira by y nai khumi ka-khum ly hawihai palai adawn pasym y naimy katheu reng nai khumi tleaung y, athang khai naira awm nai ne.

Parip nai leu 5:2

Nang ly leu katheu y rai khala adawn pasym ba; Tameuh teng y leu adeu tamangtang moh. Mymy ly kani pri mang y awm i, nang ly khaileaung pri y awm. Hunai deaungkho y nang ly mymy teng y avo nai ryrei bo baly hnei panawi bi moh.

Parip nai leu 5:6

Nang i leu deaungkho y kamngo lawm moh sy; huni katamangra sa ai nai kai, ka-dawn by y leang, nanai Tameuh i pathyp pi nai keung mo y ahui ai nai tlo moh sy. Ati mana nai y Tameuh ai kado theu hai lawh mo? Nang i sa nai kalopchi phra hai ai nai nang ly ati mana nai sa lawh mo?

MATTHAI 12:34

Pavui i kangpreangchi awi! Nangchi ly kamngo awm iy leu kahawi mana thui u thai ai mo? Paleung y kawi palai nai ly labeaung y thui reng.

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang:

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;