LEU KACHENG 15:27 - Khumi Common Language Bible

²⁷ Tau hawi y nai leaungsai hawi, kamran nga ai nai atho sa nai ly my i yhm dengtheungchi ai patangra tym hai ai; un langseaung lo y nai khumi ly heng sau ai.

LEU KACHENG 15:27 ပူးပေါင်းရင်းမြစ်များ

1 ARENG KEH 2:40

keaungngo kano kasau tleaung y atang iy, miseaung ni ai hau ai nai samrang Akhi teng y chei. Ni ly my i miseaung ni ai avum baly, yhm mang y hawi teang bo.

2 ARENG KEH 5:27

Vai, Neaman i roka ly nang i tlang tleaung y tym ai i, nang hawi nang i katu chanauchi teng y deungtasarei man jo ai!” napi. Kehazi theu nai thym khala, huni roka man i, ni i tlang ly ji kamta kaleung na bo.

SAM 15:5

Nichi ly katy lo y naimy, mychi i tangka alai ai nai pei reng; kamngo by y nai khumichi ai pasum ai nai molam, un langseaung la iy pany hai pi nai leu thui vai y. Huna nai khumichi ly chymme naimy awm jo ai.

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

THEU NAI 23:8

Un cha nai khumi ly tara lam kateng niu y i, khumi kahawi ai phra hai pajau deaungkho y, un cho moh.

LEU KACHENG 1:19

Atiu alawm nai ly atiu alawm nai khumi ai dei hai jojo reng. Hini ly hawi y sa naira y heng nai khumichi i avum reng nai khym taham ne.

LEU KACHENG 11:19

Kateng sa nai khumi ly hengra nga ai; na i py kateng so y nai khumi ly tlang tem ai.

LEU KACHENG 11:29

Amy i yhm dengtheungchi ai patang naira tym hai nai khumi ly kangkhym y mymy i awm nai yhmtheaung katuichi khei kang ai. Khumi ka-khumchi ly khumi kachengchi teng y miseaung achei u jojo ai.

LEU KACHENG 15:26

Areng ly hawi y nai ka-dawnchi ai niu ngai y; na i py leu kamrawichi ai ly kawn nai ne.

LEU KACHENG 20:21

Angchei y rai y naimy nga nai yhmtheaung katui ly kangkhym y taham si ai.

LEU KACHENG 23:4

Nang chawn ai nai molam atho sa naira y, amymy ai akawm hai ala y ai nai cheng naira awm ba.

LEU KACHENG 28:16

Tau by y nai samrang ly mipuichi ai ana reng. Katapawp paleung ka-kawi ai niu ngai y nai samrang ly peang nai deung sau ai.

LEU KACHENG 28:25

Amy i vui harei dawn khyh nai khumi ly ka-jo ka-thui tym hai reng. Areng ai ym nai khumi ly nang chawn ai.

LEU KACHENG 29:4

Adyh adawi naira ai ngai nai samrang ly mymy i pri ai sa thai naira nga hai ai. Na i py kahm tangka nga ai nai ngai khyh nai samrang ly mymy i pri phra hai ai.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

Leu Thui Nai 7:26

Huni mynchi ai nangmychi i yhm y syn u moh, syn lawh baly mynchi kamta nangchi py amsawi lawi u ai. Mynchi ly Areng i amsawi lawi nai deaungkho y, mynchi ai jei paso ai nai tla.

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

I TIMOTHEI 6:9

Na i py nang ai tau naichi ly parawi naira y hawi, deaung y hawi, taphra atyhtyh thai nai ngai phi teng y naira neangneangchira y atlym u iy, hunichi ly phra naira y hawi, tama naira y py khumichi ai tup hai.

JOSUA 6:18

Na i py nangchi ly taphra pawn ai naira i, ati sai py lo u moh; taphra pawn ai nai tla. Leu kabeaung y la lawh baly, Israela Tai theung y patang naira avum ai.

1 SAMUELA 12:3

Vai, kaimy awm nai thym khala y, sa tamang nai kamngo saisairei awm lawh teu baly, Areng i mo y py, mymy khai takhra pi nai samrang i mo y py, nangchi ly kai ai neng hai iy thui pi u; kai ly ami i si kala vui nai awm mo? Ami i keaungngo kano kasau ai, teng y naimy kala vui lawh mo? Kai ly khumi leaungrei ai li-tapawp nai mo, ana nai mo kasa vai a? unchi kala vai a? hina nai saisairei kasa nai awm lawh baly, kai ly hunichi kape teang ai,” napi.