LEU KACHENG 15:25 - Khumi Common Language Bible

²⁵ Areng ly paleung len nai khumichi i yhmchi taphra pi pawn ai; na i py neampachy lumai i yhm hlau ly kry pi ai.

LEU KACHENG 15:25 ပူးပေါင်းရင်းမြစ်များ

JOBA 24:21

Huna nai kamta lawm nai ly ni ly lumai cheaungtichi ai ana iy cho chanau so y nai neampachychi ai, pahen y nai deaungkho y ne.

SAM 10:14

Na i py nang ly patang naira avum naichi ai niu takengkei iy, sabawm ai nai avawrei angveirym nai ne. Jeaungmang nai khumichi ly amymy ai nang teng y a-au reng.

SAM 138:6

Nang ly tahm asang parai teu i py, tahm anem nai khumichi ai kry nai ne; paleung len amlyh nai khumichi ai ly kamlo mang my pany bo.

SAM 146:9

Mymy ly Israela pri y awm nai cheng takhrachi ai ama hai iy, neampachy lumaichi hawi nurochochi ai sabawm; na i py khumi aso y naichi ai ly tama hai bo.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

SAM 52:5

Hunai deaungkho y Tameuh ly nang ai deungrei, atlym hai jojo ai; mymy ly nang ai yhm i dengdairei ryh iy, ang patheu vui ai; nang ai ly heng nai khumichi awm nai khaileaung pri i dengdairei, ang patheu vui ai.

LEU KACHENG 12:7

Khumi hawi y naichi dei u nai khala, cheng theaung tama reng; na i py khumi kahawichi i cheng theaung ly tamo y naimy khaw jo reng.

LEU KACHENG 14:11

Khumi kahawi i yhm ly khaw typ jo ai; khumi hawi y nai i yhm ly phra reng nai ne.

LEU KACHENG 15:26

Areng ly hawi y nai ka-dawnchi ai niu ngai y; na i py leu kamrawichi ai ly kawn nai ne.

LEU KACHENG 23:10

Mana khala py khaileaung khujyh kangngym ly kasyh vui moh. Nurochochi i khaileaung ly lo pi veng moh.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

DANIELA 5:20

Na i py ni ly paleung len amlyh naimy paleung tang i, pahyp y naimy ana nai khala y, sa thai naira tama i samrang i nai tla vui bo.

Leu Thui Nai 19:14

“Nangchi i Areng Tameuh my pei nai pri y, jangni i leng nai, nangchi i yhm deaungpa khujyh leungcheng ly kasyh u moh.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.