LEU KACHENG 15:24 - Khumi Common Language Bible

²⁴ Khumi kachengchi ly salo mang y chei nai, hengra lam y tako u reng; khaileaung anui tavau pri lam y ly tako u vai y leang.

LEU KACHENG 15:24 ပူးပေါင်းရင်းမြစ်များ

SAM 139:24

Kai ly hawi y nai lam mang y abang mo, abang y mo, nanai cham iy kai ai deungtasa lam mang y pahawi ba.

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

LEU KACHENG 2:18

Nang ly huni neampachy i yhm y chei baly, dei areng teng y chei nai lam y tako nai khumi ne. Huni yhm y chei nai ly tavau saleaung y ahihawi nai py ne.

LEU KACHENG 23:14

Meitang khyp thui ai nabaly, khyh pakhau naimy ly ni ai, dei areng kiu i nai atleu ai.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

LEU KACHENG 5:5

Ni ly nang ai tavau saleaung y ang pahawi ai. Ni i tako nai lam ly tavau pri y chei nai lam ne.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

LEU KACHENG 7:27

Ni i yhm ly tapreaung mang y chei nai lam ne i, tavau saleaung chei nai katheu pa-kho py ne. Dei neng ny y naimy dei reng nai leaungsai ne.

LEU KACHENG 9:8

Paleung len nai khumi ai, hawi palum ai nai mana khala py atho so moh. Huna nai atho sa nai khumi ai ly niu ngai y ai. Na i py khumi kacheng ai thui parip nai khumi ai ly tahm khai ai.

JEREMIA 21:8

Naibaly Areng my kai ai khumichi teng y thui hai nai ly “Tangai u! Kai, Areng ly nangchi vawi thai ai nai heng nai lam hawi dei nai lam khai pi ai,” napi.

MATTHAI 7:14

Heng naira y tym ai nai lam ly amchei i, katheu pa-kho py amchei teang, naibaly niu naichi ly maiden chy khyh.

JOHAN 14:6

Isu my ni teng y, “Kai ly lam py, leu meitang py, hengra py ne.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

PHILIPI 3:20

Na i py achi i khuteng sa nai ly kani pri mang y ne; achi ly Paheng Keung, Areng Isu Krista ai ly hu i dengdairei satla ai nai ajeng jojo nai ne.