LEU KACHENG 14:8 - Khumi Common Language Bible

⁸ Lulip pany nai khumi ly ati mana nai y khumi kacheng lawm mo? Ati mana nai mo nabaly ni ly mymy i sa ai avo nai sai pany nai deaung kho y ne. Cheng naira by y nai khumi ly ati mana nai y khumi ka-khum lawm mo? Ati mana nai mo nabaly ni ly mymy pany y pui naimy, pany ka-awi sa nai deaungkho y ne.

LEU KACHENG 14:8 ပူးပေါင်းရင်းမြစ်များ

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 119:5

Kai ly nang i leu pei naichi ai sau py takhawi y pa-rei, sa patawm ai nai khri pa-rei ngai parai nai ne.

SAM 119:73

Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

SAM 143:8

Nang i khaw parai nai tamen naira ly kai ai khawn tleirei pany hai jo kyh ba; kai ly nang ai ym nai ne. Kai i chiu sa nai nang teng y tym sy; kai i tako ai nai lam patei pi kyh ba.

LEU KACHENG 11:18

Khumi hawi y naichi ly meitang khyp, ati sai py hawi naira avum ai ny y; na i py kateng sa reng nai khumichi ly meitang khyp, kawn vang nga u ai.

LEU KACHENG 12:5

Neaung hawi nai khumichi ly adyh adawi naira sa u ai; khumi hawi y naichi ly li-tapawp ai naini ngai u nai ne.

LEU KACHENG 15:21

Khumi hawi y naichi ly mychi i akhum naira y amo theu u reng; na i py khumi kachengchi ly kateng sa u reng nai ne.

LEU KACHENG 2:9

Nang ly kai i leu tangai baly kateng lam, meitang nai hawi adyh adawi nai i awm nai sai pany ai. Amy i sa ai avo nai sai py pany ai.

LEU KACHENG 8:20

Kai ly khumi kahawi i lam napi nai, leu meitang adyh adawi nai lam y tako bo.

Parip nai leu 2:13

“Kangvang ly kaveng tleaung y hawi keh nai kamta, cheng naira ly ka-khum tleaung y hawi keh, nanai py kapany bo.

Parip nai leu 2:16

Khumi kachengchi ai ami my py pany jo y, khumi ka-khumchi ai py ami my py pany jo y leang. Mo mang i neng y achi bawibawi ai py tami pawn veng ai. Khumi kacheng, khumi ka-khum, nanai patleh takhra y naimy achi bawibawi ly dei u ai.

JEREMIA 13:20

Jerusalem mary awi, khen cham! Nang i paleung ka-echi ly tosyh mang dengdairei ang jeu dudu bo! Kry ai nai nang teng y kang-au nai khumichi my tahm khai nai khumichi ly ma mang y awm u pawn mo?

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

EPHESI 4:22

nangchi i jangni i awm nai sai, khumi kangngym, tapawp naira i ngai phi teng y nai kamta phra ryh phraryh nai ai ly leng u vui ly,

EPHESI 5:17

Huni deaungkho y nangchi ly chengra by y nai awm u moh ly, Areng i kangai ly ati mo, nanai phai pany u.

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

JAKOB 3:13

Nangchi theung y khumi kacheng hawi leu pany thai nai khumi ly ami mo? Mymy i amhi amtlau nai sai kahawi deaungkho y leu anui parai nai hawi cheng parai naimy mymy i atiti sa nairachi amteng hai sy.