LEU KACHENG 14:6 - Khumi Common Language Bible

⁶ Paleung asang nai khumichi ly mana khala py, khumi kacheng lawm pajau y; na i py tau cheng nai khumichi ly rai y naimy amtiu thai nai ne.

LEU KACHENG 14:6 ပူးပေါင်းရင်းမြစ်များ

SAM 119:18

Nang i reita theung i lyh ai hawi naichi niu thai ai nai kai i mei angvang hai kyh ba.

LEU KACHENG 1:5

Hini leu kachengchi ly khumi kachengchi ai, cheng tleaung cheng haira ai.

LEU KACHENG 14:5

Ka-ym awm nai pany hai nai keung ly leu kateng katheu reng; na i py ka-ym by y nai pany hai nai keung ly leu ka-chawi naini katheu reng.

LEU KACHENG 14:7

Khumi ka-khumchi ai ly asyn u; nichi teng i cheng nai leu thai ai ny y.

LEU KACHENG 15:12

Paleung len nai khumichi ly thui parip nai ngai vai y; amy tleaung y cheng nai khumichi teng i katauchi mana khala py hnei u vai y.

LEU KACHENG 17:16

Khumi ka-khum ly cheng naira by y nai deaungkho y, pasa tangka hawi cheng naira hau thai y leang.

LEU KACHENG 17:24

Tau cheng naira awm nai khumi ly cheng naira ai mo patheung reng; na i py khumi ka-khum i mei ly meingtym tleirei y khen aki prei reng nai ne.

LEU KACHENG 18:2

Khumi ka-khum ly saisairei ra y, my i pany nai pany y nai ai dawndan y leang. Mymy mana tanrei tau cheng mo, nanai ai naini pany hai khyh.

LEU KACHENG 24:7

Khumi kachengchi i katheu nai leuchi ly khumi hawi y naichi pany thai y leang. Nichi ly aly len nai leaungsaichi arum nai khala, labeaung pakhym u reng nai ne.

LEU KACHENG 26:12

Cheng naira by y nai khumi ka-khum ly cheng naira by y pui naimy amymy ai khumi kacheng, nanai amlawn nai khumi tleaung y athang khai naira awm.

LEU KACHENG 8:8

Kai i katheu nai leuchi ly ka-ym awm nai leuchi ne. Teng y nai leu, li-tapawp nai leuchi abawi y.

LEU KACHENG 8:9

Huni leuchi ly pany thai praw nai cheng naira awm nai khumi i vui ly pany chai pyn nai ne. Lulip pany parai nai khumi i vui ly pany chang pyn pajau.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

I KORINTH 8:2

Khumi ami py atiti mo pany, nanai athang akhai baly mymy ly mymy i pany ai nai ka-tawm pany y leang rai;

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.