LEU KACHENG 14:32 - Khumi Common Language Bible

³² Khumi hawi y naichi ly hawi y nairachi sa nai molam y, mychi ai mychi naimy atlymra sa u nai ne. Na i py khumi kahawichi ly mychi i leu meitang saho y, mychi ai ama hai ai.

LEU KACHENG 14:32 ပူးပေါင်းရင်းမြစ်များ

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

JOBA 13:15

Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

JOBA 18:18

Ni ly khaileaung pri i dengdairei, patheu vui nai avum ai. Kangvang i nai kaveng mang y patheu vui nai avum ai.

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 23:4

Aw Areng, kai ly khri pa-rei veng nai leaunghawira y tako prei lawh teu i py, jei y ai; ati mana nai mo nabaly nang ly kai hawi vanrei awm nai deaungkho y ne. Nang i thengbeang hawi cheaungvawi ly kai ai awm hai nem ai.

SAM 37:37

Khumi kahawi ai khen cham; leu meitang teaung nai khumi ai khen paryp cham; tlamsa naira nga nai khumi ly katu chanau deung akai nai ne.

SAM 58:9

Nichi ly athang khai y nai neng khala y acha keungchi kamta, ateng pawn nai avum u bo; Tameuh ly khri pa-rei kado theu nai deaungkho y, nichi ai tama hai pawn ai.

SAM 73:24

Nang ly kai ai tau pei naimy lam patei ai i, kangkhym y ly kai ai tahm pasang ai nai ngai ai.

LEU KACHENG 11:5

Neaung hawi nai deaungkho y, khumi kahawi i deung ly tlamsa reng; na i py khumi hawi y nai ly my i hawi y nai molam y atlym reng.

LEU KACHENG 14:33

Tau cheng naira awm nai khumichi i paleung theung y cheng naira awm. Khumi ka-khumchi i paleung theung y ly cheng naira takang nai ne.

LEU KACHENG 24:16

Khumi kahawi ly avawrei atlym teu i py, ni ly ang thau ali teang jojo ai. Na i py khumi hawi y naichi ly ka-jeira avum nai khala atlym u ai.

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.

LEU KACHENG 6:15

Hunai deaungkho y khri pa-rei ka-jeira ly pany pacha y naimy tym i, nichi ly phra u ai.

LUKA 2:29

“Aw Areng, vai nangmy i leu kamta Nang i miseaung ai ly paleung awmnem naimy chei hai ai;,

JOHAN 8:21

Naibaly mymy ly nichi teng y, “Kai ly chei veng ai bo he, nangchi ly kai ai hau ai i, nangchi i kamngo awm jo naimy dei u ai: kai i chei ai naira y nangchi jeu thai y leang,” napi bi.

JOHAN 8:24

Hunai deaungkho y chy bo, ‘Nangchi i kamngo awm jo naimy dei u ai,’ kang napi nai ly; huni ly kai ne, nanai nangchi ym y baly, nangchi i kamngo awm jo naimy dei u thle thle ai,” napi.

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

II KORINTH 1:9

Ne, amy ai py aym y nai, Tameuh, kadeichi ai pathau nai keung ai ly ym pajau ai nai, kaimychi y ly dei ai nai leu atlym bo.

II KORINTH 5:8

kaichi ly paleung sorai nai awm kana nai ne:kaichi ly tlang y awm y nai, Areng teng y awm ai nai ngai keh.

PHILIPI 1:21

Ati mana nai mo nabaly kai i vui heng nai ly Krista ne, naibaly dei nai ly kamran ne.

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

II TIMOTHEI 4:18

Areng my ly kai ai hawi y sa naira bawibawi i nai ang tleaung hai ai i, mymy i kani pri y peang naira tym pa-rei chymme naimy ang paheng ai; mymy teng y deungtasa khrairei nang parai naira awm sy. Amen.

AMTENG HAI NAI 14:13

Naibaly kani pri mang i dengdairei raawi my ly, “Hina nai kamta tajiu. Vai i dengdairei amteaung iy Areng y dei naichi ly taham hawi: Phailo my py, Ne, nichi ly mymychi i sa akawm naichi anawn vui thai ai nai, nichi i atiti sa naichi ly nichi ai hui jojo,” nanai thui nai kathai.