LEU KACHENG 14:24 - Khumi Common Language Bible

²⁴ Khumi kachengchi ly yhmtheaung katuichi nga u reng; na i py khumi ka-khumchi ly ka-khum ka-lai naini sa u reng nai ne.

LEU KACHENG 14:24 ပူးပေါင်းရင်းမြစ်များ

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

LEU KACHENG 13:8

Khumi kanangchi ly mymychi i hengra ai tangka hawi atleu; na i py khumi kamawn ly ami i pajei pahyn nai avum vai y.

LEU KACHENG 14:23

Kalopra y atho sa reng nai khumichi ly tlang apacho pajau ai nai i vui aleu ai; ateh iy leu peung ryry reng nai khumi ly kamawn acheang ai.

LEU KACHENG 21:20

Tau cheng naira awm nai khumichi ly yhmtheaung katuichi hawi tlamsa naimy awm u reng, Na i py khumi cheng y naichi ly paisa tangkachi ko phai ko baly, pasum krai ryp nai ne.

LEU KACHENG 27:22

Khumi ka-khum ai deivi pa-rei pakhau teu i py, ni i akhum nai ai ly khai su pa-rei pakhau pajau ai ny y.

ISAIA 33:6

Israela chengchi ai khaw parai naira pei ai. Mymy ly mymy i khumichi ai avawrei ama hai iy, cheng naira hawi pany thai naira pei pi. Nichi i vang teng keh nai yhmtheaung katui ly Areng ai tahm khai naimy jei kaji nai ne.

LUKA 16:9

“Kang thui pi, yhmtheaung hawi y nai teaung iy ahawichi ai adawi u; yhmtheaung tama nai khala y ly deaungtasarei awm naira y ang kawn hai ai.