LEU KACHENG 14:21 - Khumi Common Language Bible

²¹ Khumi kamawnchi ai pahen reng nai khumi ly taham hawi; ami ai mei aniu y nai ly kamngo ne.

LEU KACHENG 14:21 ပူးပေါင်းရင်းမြစ်များ

SAM 112:5

Paleung kahawi naimy alai ai pei reng nai, amy i kalopra y kateng sa reng nai khumi ly taham hawi.

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 22:24

Mymy ly khumi kamawnchi ai khai su y leang; nichi i ngari patang naichi ai py dawndan pi y nai by y. Mymy ly nichi teng i nai meimai hi pi vui y leang. Sabawm ai nai nichi i aeu hnei takeng nai pathang pi bo.

LEU KACHENG 11:12

Amichi ai panui pachem hai nai ly ka-khum ne; tau cheng nai khumi ly awm pypy ai.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 17:5

Khumi kamawnchi ai panui pachem hai nai khumi ly nichi ai sa nai keung Tameuh ai thui tamawn nai ne. Amichi i khym taham kasi avum nai khala, amo theu reng nai khumi ly kamngo pajeng naira avum ai.

LEU KACHENG 18:3

Kamngo hawi kangji ly vanrei awm nai ne. Tahm by y nai khumi ly thui tamawn naira avum reng.

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

LEU KACHENG 21:10

Khumi hawi y naichi ly hawi y naira sa ai naini ngai nai paleung awm jojo, Nichi ly ami i tlang tleaung y py, pahen vai y leang.

LEU KACHENG 22:9

Pasai y nai paleung hawi khumi kamawnchi ai pacho panei nai khumi ly amtheaung naira nga ai.

LEU KACHENG 28:27

Khumi kamawnchi ai pei talam nai khumi ly kamawn acheang ai ny y. Khumi kamawnchi ai dawn hai y nai khumi ly khumichi my pasawi nai avum ai.

LEU KACHENG 28:8

Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

LUKA 18:9

Naibaly khumi kahawi ne, nanai athang akhai iy, khumi takhra bawibawichi ai tahm khai y nai keung amichi teng y mo ly hini pata nai leu py thui i,

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

Leu Thui Nai 15:9

Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.

HEBRAI 6:12

hunaibaly nangchi ly atho si y naimy ym naira hawi kham pajau naira deaungkho y leu adeu nairachi amtym chum naichi i amtiu nai keung lawn ai.