LEU KACHENG 14:11 - Khumi Common Language Bible

¹¹ Khumi kahawi i yhm ly khaw typ jo ai; khumi hawi y nai i yhm ly phra reng nai ne.

LEU KACHENG 14:11 ပူးပေါင်းရင်းမြစ်များ

JOBA 15:34

Tameuh by y nai khumichi ly katu chanauchi sa u ai ny y. Un tangka hawi yhmchi ly mai y kang vui ai.

JOBA 18:21

Hini ly hawi y sa naichi i awm nai sai, Tameuh ai maidenchy py tahm khai y naichi i khym taham ne.

JOBA 21:28

Nangchi my, “Huni kyh keh nai khumi hawi y nai i yhm ly vai, ma y awm mo?,” nanai deng u.

JOBA 8:15

Nichi ly khanglo sanghang yhm ai abang hau lawh baly, huni khanglo sanghang yhm ly nichi i abang hau nai khaw pajau na a? Kalangvui ai kho sa iy amkhaw lawh baly, huni kalangvui ly nichi i amkhaw nai khaw hai pajau na a?,” nanai thui u bo.

JOBA 8:22

Na i py nang i tlang tleaung y niu ngai y naichi ai kangji nga hai ai. Khumi hawi y naichi i awm nai yhmchi py, tama pawn ai.

JOBA 8:6

Nang ly khri pa-rei chai i hawi lawh baly, Tameuh ly ang jeu iy nang ai ang sabawm ai. Kawn vang langseaung pei nai kamta, nang i yhm dengtheungchi ai, palum pi ali teang ai.

SAM 128:3

Yhm angtheung y nang i aju ly athai pasu nai kreip keung kamta py, sabawi kamki ateh nai nang i cho chanauchi ly ui yb nai olive keung-lochi kamta py lawn u ai.

SAM 37:10

Neng kra y nai sala y khumi hawi y naichi ly tama pawn ai. Nang ly nichi ai hau i py avum ai ny y.

LEU KACHENG 11:28

Amy i yhmtheaung katui ai paleung pado nai khumi ly Chaboleh nai khala vui nai dengkeaung ngamchi kamta, phra ai; na i py khumi kahawichi ly kanipui khala, sai angpho nai dengkeaung ngamchi kamta nang chawn ai.

LEU KACHENG 12:7

Khumi hawi y naichi dei u nai khala, cheng theaung tama reng; na i py khumi kahawichi i cheng theaung ly tamo y naimy khaw jo reng.

LEU KACHENG 15:25

Areng ly paleung len nai khumichi i yhmchi taphra pi pawn ai; na i py neampachy lumai i yhm hlau ly kry pi ai.

LEU KACHENG 21:12

Tameuh meitang naimy ly khumi hawi y nai yhm i sa naichi ai pany pi se nai ne. Huna nai y mymy ly huni khumi hawi y nai i yhmtheaung katui phra hai ai.

LEU KACHENG 21:20

Tau cheng naira awm nai khumichi ly yhmtheaung katuichi hawi tlamsa naimy awm u reng, Na i py khumi cheng y naichi ly paisa tangkachi ko phai ko baly, pasum krai ryp nai ne.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

ZEKHARIAH 5:4

Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.