LEU KACHENG 13:23 - Khumi Common Language Bible

²³ Khumi kamawnchi ly paitiu khuta ra i, teicha teinei neangneang nga u pajau; na i py tau hawi y naichi molam y, huni li hlauchi sa ai nai ngo u y.

LEU KACHENG 13:23 ပူးပေါင်းရင်းမြစ်များ

SAM 112:5

Paleung kahawi naimy alai ai pei reng nai, amy i kalopra y kateng sa reng nai khumi ly taham hawi.

LEU KACHENG 12:11

Angjeng atyp parai nai hlau sa nai khumi ly choh bai palo neangneang nga; na i py khumi hawi y nai ly ati sai py ny y nai kalopchira y neng pasum reng.

LEU KACHENG 12:14

Khumi ly mymy i sa nai, katheu naichi molam y kawn vang nga; amy i sa nai molam y, hawi nai hawi y nai amtym ai.

LEU KACHENG 27:18

Thaidu keung ai palum pachai nai khumi ly thaidu athai cha ai nai nga ai. Amy i yhmkeung ai kry ryhpatyh nai miseaung py, tahm pasang nai avum ai.

LEU KACHENG 28:19

Angjeng atyp nai lisama ly cha nei awm-yh ai. Neng pasum atyhtyh reng nai khumi ly kamawn lawm jojo ai.

Parip nai leu 5:9

Samrang malawn py pakym achu nai amti amjangchi ai a-ym nai teu bo.

Leu Thui Nai 21:4

Huni si nu ai tui kang y nai tavo micheaung sahawi i khaileaung kangheng meingtym mang y pahawi ly hunira y si nu i kaneaung khei iy tleh ai nai tla.