LEU KACHENG 12:18 - Khumi Common Language Bible

¹⁸ Adawn chumchi y naimy katheu nai leu ly haisau kamta tamo aneng hai pajau; na i py khumi kacheng i katheu nai leu ly tamo kalemchi ai hawi hai pajau nai ne.

LEU KACHENG 12:18 ပူးပေါင်းရင်းမြစ်များ

SAM 52:2

Nang ly khumi takhra phra ai nai molam dawn tau reng; nang i palai ly sam vau acho kamta chiu parai. Nang ly teng y nai leuchi ai, avawrei phym atyhtyh nai ne.

SAM 57:4

Paleung ka-echi ly khumi ngan cha nai khrangsichi kamta, kai ai ang katanmeuh bo. Nichi i hochi ly tivichi, thailiho chynchi hawi atawm; nichi i palai ly haisau bo nyhrei kamta chiu nai ne.

SAM 57:5

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amteng hai kyh ba.

SAM 59:7

Nichi i mei aniu y naimy pajei nai leu ai ly tangai ba. Nichi i palai ly haisau kamta ne; na i py nichi my, “Kaichi i leu ai amimy thai ai mo?,” nanai katheu u bo.

SAM 64:3

Nichi ly mychi i palai ai haisau kamta kata u; kapahenra by y nai leuchi, napi nai thailihochi pateung u yb bo.

LEU KACHENG 12:17

Leu kateng katheu reng nai pany hai nai keung ly leu meitang naimy tara chih nai sai ai amlum hai reng. Na i py ka-chawi katheu reng nai pany hai nai keung ly leu meitang teaung y nai, tara chih nai sai ai amlum hai reng nai ne.

LEU KACHENG 13:17

Ka-ym by y nai savaichi ly khrukhra nairachi sa reng; na i py ka-ym awm nai khumichi ly padyh padawi pi reng nai ne.

LEU KACHENG 15:4

Pahen nai leu ly hengra palum pi; na i py apahyp y nai leu ly paleung ka-dawn phra hai reng nai ne.

LEU KACHENG 15:7

Tau cheng naira ai ahei hai nai khumichi ly khumi ka-khumchi ny y i, khumi kachengchi ne.

LEU KACHENG 16:24

Pahen reng nai khumichi i leu ly khawi hang kamta tui iy tlumtlang ai noso aho hai reng nai ne.

LEU KACHENG 25:18

Nang i yhm deaungpa i tlang tleaung y teng y naimy seu rumrang nai ly haisau, thengbeang, ti y baly thailiho meaung hawi atawm.

LEU KACHENG 4:22

Hunichi ai pany nai khumi lutengchi ly heng ai i, atho awm ai.

DANIELA 11:33

Mipuichi ai lu sa nai khumi kachengchi ly mipuichi ai pahawi iy lam patei pi ai. Na i py neng kra kyh nai khala y, nichi theung i khumi phyreichi ly tavai keung y dei iy, phyrei ly mai tamang y veang nai avum u ai. Phyrei khumichi ly lawm nai hawi theaung y paeung nai avum u ai.

AMTENG HAI NAI 1:16

Naibaly ni ly mymy i lamtang mang i kiu y ka-si saryhrei syn i, my i labeaung dengdairei haisau kachiu bo nyhrei awm nai theu bo; naibaly mymy i meimai ly kanito kangvang sadi pa la nai kamta ne.

AMTENG HAI NAI 22:2

Naibaly huni jangpang hi mang vai py hu mang vai py athai amjy holai nyhrei, lo tleirei y athai nai heng naira dengkeaung awm: huni dengkeaung i ngam ly cheng cheaungkhangchi ai hawi sa pi ai nai khai nai ne.