LEU KACHENG 12:13 - Khumi Common Language Bible

¹³ Khumi hawi y nai ly my i leu kamnai y athei reng; na i py khumi kahawichi ly mymy naimy patangra i nai lawi hai pajau.

LEU KACHENG 12:13 ပူးပေါင်းရင်းမြစ်များ

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

2 SAMUELA 4:9

Davida my, “Kai ai ka-jeira cheaungkhang i nai atleu pi nai, heng nai keung Areng i amyn y kai vaineng abeu bo!

1 ARENG KEH 2:23

Naibaly Solomon my, “Hinai kamta hnei lawh nai y, Adonijah ai kai padei y lawh baly, Tameuh my kai ai padei sy!

SAM 34:19

Khumi kahawi ly ngari kamtang neangneang avum reng; na i py Areng ly ni ai, huni ngari kamtangchira i nai atleu pi nai ne.

SAM 34:20

Areng ly ni i hengra ai kry nai ne. Ni i hiu harei malawn py tleu y ai.

SAM 5:6

Nang ly tapawp nai khumi bawibawichi ai taphra iy, khrukhra naichi, paleung ka-kawi awm naichi ai paso nai ne.

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

SAM 59:13

nang ly kado theu iy, nichi ai tamyh pawn ba; myh kang na pa-rei taphra pawn ba. Huna nai khala Tameuh ly Israela chengchi ai peang naimy awm, nanai py, mymy i phum-ang ly khaileaung pri verei y ahei naimy awm, nanai py khumi bawibawichi my pany u ai.

SAM 64:8

Nichi i thui u nai leusaichi molam y, mymy ly nichi ai padei iy tama hai ai; nichi ai niu nai khumi bawibawichi ly lu heang u ai.

LEU KACHENG 10:8

Tau kacheng awm nai khumichi ly tau kahawichi ngai u reng; ka-khum leu katheu reng nai khumichi ly phra u ai.

LEU KACHENG 11:8

Khumi meitangchi ly patang naira avum y ai; khumi hawi y naichi ly patang naira avum u nai ne.

LEU KACHENG 15:2

Cheng nai khumichi i leu ly pany thai nai cheng nai kamlau katheu reng; na i py khumi ka-khum i labeaung ly ka-ym by y nai leuchi katheu reng nai ne.

LEU KACHENG 18:21

Nang i katheu nai leu ly heng hai ai nai, dei hai ai nai sa thai naira awm. Hunai deaungkho y nang ly nangmy i katheu nai leu kamta hawi nai hawi y nai avum ai.

LEU KACHENG 21:23

Patang naira avum ai nai ngai y nai khumi ly labeaung palai amkyn ai nai tla.

LEU KACHENG 6:2

Nang ly nangmy i leu hawimy, nangmy ai man lawh bo a? Nang ly nangmy i leu ka-deu my, nangmy ai kalai nga hai ryp lawh bo a?

Parip nai leu 7:18

Hini amjy nyhrei ai amkyn ba. Nang ly Tameuh ai jei kaji nai khumi ne baly, ati py ne sy, eaung naira nga ai.

DANIELA 6:24

Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

MATTHAI 27:25

Naibaly khumi humchi bawibawi ly, “Ni i thi ly kaimychi i tlang tleaung y hawi, kaichi i chanauchi i tlang tleaung y py awm sy,” napi nai pathang.

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;