Tau cheng nai khumichi ly mymychi i tau cheng nai sai ai amthang hai leaung y; na i py tau cheng y nai khumichi ly mymychi i tau cheng y nai sai ai, amthang hai leaung nai ne.
Ka-preaung leu katheu reng nai khumi ly amkyn ai avo nai leuchi mana khala py am-yh pajau y. Huna nai y khri pa-rei leu peung nai khumichi teng i nai asyn vui ba.
Nang ly nangmy i yhm deaungpa hawi, aly akhang y nai awm lawh teu baly, nangmyni tengtawi aly teang ai nai ka-vo so ba. Pany hai ai nai avo y naichi ai, amichi teng y amti pi moh.
Naibaly samrang i bangtang bawibawichi ly kai teng y jeu u iy, leu deng u bo. Na i py kai ly samrang my kai ai leu pachei yb nai kamta naini, pathang pi khyp bo. Ami py samrang kaini i arum nai leuchi thai nai khumi by y nai deaungkho y, nichi ly ati sai py so u thai y bo.
Ami kangji nga ai nai leu ly ahei hai reng moh. Dei ai ataing nanai pa-rei tamang nai khumi ai tara chih nai thym khala, huni khumi mang y asa hai pajau nai pany naira awm lawh baly, apha y naimy pany hai pi ai nai tla. Kai ly Areng ne.
Naibaly huni ny y nai py nichi ly yhm tleirei pavai iy, atho si naira theu lawh; atho si nai khyh ny y naimy thui avo y nai leu thui lawh iy, arum rumrang nai hawi ahi ryry atyhtyh nai keung y amlawn u lawh reng.
Naibaly nini my, “Kaini ly adeu nai kamta kaso hawi y lawh baly, Tameuh my kaini ai padei sy; nang ly kaini i jeu nai leaungsai ai ami teng y py thui pi y ai na baly, Areng my hini pri kaichi teng y pei nai khala, kaichi ly nangchi ai kang pahen ai, nanai adeu mang,” napi.
Na i py nang ly leaung leaungrei teng y kaini i jeu nai satang pany hai lawh baly, kaini i pei nai leu ka-deu khaw ai nai aly by y,” nanai Rahabi teng y thui pi bo.