LEU KACHENG 1:22 - Khumi Common Language Bible

²² “Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

LEU KACHENG 1:22 ပူးပေါင်းရင်းမြစ်များ

JOBA 34:7

Joba ka-tawm khumi ai nangchi niu vai a? Ni ly Tameuh ai mana khala py, tahm khai nai khumi ny y.

SAM 1:1

Khumi hawi y naichi i tau pei nai tangai y, kamngo sa nai khumichi i sa nai saichi amtiu y, Tameuh ai hi vui nai khumichi hawi py amkawm y nai khumichi ly taham hawi u nai ne.

SAM 94:8

Kai i khumichi awi, nangchi ly ati mana nai y hina tanrei cheng naira by y iy, tau akhum u na mo? mana khala y tau cheng u ai mo?

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

THEU NAI 16:28

Huna nai khala Areng my Mosi teng y, “Nang i khumichi ly kai i leu tangai y ai nai mana tanrei awm u jo rai na mo?

LEU KACHENG 1:21

Ni ly mary apai pa-khochira py, khumi akachu nai meingtymchi ra py, tao pajeng parai naimy palau nai ly

LEU KACHENG 1:29

Nangchi ly tau cheng naira ai mana khala py, ngai nai paleung by y; Areng i leu ai mana khala py tangai u vai y.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

LEU KACHENG 1:4

Hunichi ly pany nai sai angym y nai khumi ai dawn pany thai naira pei nai ne. Deaungdichi ai py tau cheng naira hawi leu meitang nga hai pajau.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 14:6

Paleung asang nai khumichi ly mana khala py, khumi kacheng lawm pajau y; na i py tau cheng nai khumichi ly rai y naimy amtiu thai nai ne.

LEU KACHENG 15:12

Paleung len nai khumichi ly thui parip nai ngai vai y; amy tleaung y cheng nai khumichi teng i katauchi mana khala py hnei u vai y.

LEU KACHENG 19:29

Paleung asang nai khumi ka-khum ly vuiha beang hawi pajeaung nai avum takengkei ai.

LEU KACHENG 21:11

Paleung asang nai khumi leaung leaungrei ly kamngo pajeng naira avum nai khala, dawn pasym kawp u nai khumi malawn py, tau cheng nai khumi lawm pajau. Cheng naira awm nai khumi ly thui parip nai ryrei my cheng naira nawi ra reng nai ne.

LEU KACHENG 21:24

Paleung asang nai khumi nanai ly amlyh am-e nai khumi, paleung len nai khumi, kapahenra by y nai khumichi ne.

LEU KACHENG 22:3

Tau cheng naira awm nai khumichi ly mychi patang naira avum ai nai niu yb veng nai deaungkho y, asyn vui thai nai ne. Tau cheng naira by y nai khumichi ly patang naira hawi apadawi-ra i, uikheih u bo.

LEU KACHENG 3:34

Mymy ly paleung len nai khumichi ai niu ngai y i, paleung apanem nai khumichi ai ly meimai khen nai ne.

LEU KACHENG 5:12

nangmy i paleung y, “Kai ly thui parip nai leu tangai ai nai ngai y lawh mo? Khumi takhrachi i parip nai ai py, tangai ai nai ngai y lawh mo?

LEU KACHENG 6:9

Khumi napjang ly ira tleaung y mana tanrei aseaung jo ai mo? Mana khala y ira i nai ang thau ai mo?

LEU KACHENG 7:7

pany nai sai angym y nai thawndeang deaungdi neangneangchi ai kaniu bo. Na i py hunichi theung y khumi ka-khum leaungrei ai khen patawm nai ne.

LEU KACHENG 8:5

Nangchi ly cheng naira angym bo a? Cheng naira angym pa-rei amtiu u. Nangchi ly khumi ka-khumchi a? Cheng naira nga ai nai amtiu u.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

Kati Nai 14:27

“Hini khumi aso y naichi ly mana tanrei kai i tlang tleaung y josei u ai mo? Israela chengchi i josei nai katyn ly ka thai amawndui na bo!

MATTHAI 17:17

Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

LUKA 19:42

“Aw nang ly, vai hini sala y awmnem ai nai leu ly pany tanga i khyly! Na i py vai ly nang niu y ai nai heu pi veng bo.

JOHAN 3:20

Ami py hawi y sa nai ngierei ly kangvang niu ngai y, kangvang y py theu y, ti y baly mymy i hawi y sa nai preng lawh na.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.