LEU KACHENG 1:11 - Khumi Common Language Bible

¹¹ Nichi ly “Jeu ly achi khumi padei ai nai hau u sina! kamngo by y nai khumichi teng i, atyhtyh naimy lawm u sina!

LEU KACHENG 1:11 ပူးပေါင်းရင်းမြစ်များ

SAM 17:12

Nichi ly khrangsichi kamta, kai ai angtheng piupa ai nai ngai u i, kai ai ajeng u rym paryp bo.

SAM 35:7

Nichi ly atyhtyh naimy kai i vui deaung pateung iy, kai ai patiu ai nai angawm kathiu tai u bo.

SAM 56:6

Nichi ly abyh nai meingtymchira y akachu iy, kai ai padei ai nai, kai i sa nai ngiereichi ai o iy, khen u bo.

LEU KACHENG 1:16

Nichi ly hawi y nairachi sa ai nai panga y; nichi ly khumi padei ai nai avawrei angvei u rym nai ne.

LEU KACHENG 1:18

Na i py nichi ly mychi i deaung y my man iy, dei u ai.

LEU KACHENG 12:6

Khumi hawi y naichi i leu ly khumi takhrachi ai rai naira avum hai reng; na i py khumi kahawichi i leu ly ka-jeira avum naichi ai lawi hai reng.

LEU KACHENG 24:15

Nang ly khumi hawi y naichi kamta, khumi kahawichi i yhmtheaung katui lawm ai nai py, ni i yhm ai keng vui ai nai py dawn moh.

LEU KACHENG 29:24

Kangviu hawi amkawm nai khumi ly kangviu sara i hawi y keh nai paleung ka-e ne. Ni ly tara jeung y leu kateng thui lawh teu baly, kangviu sara ly pajeng naira avum ai. Huna nai kamta thui y lawh baly, Tameuh my ni i tlang tleaung y amsawi lawi hai sy.

LEU KACHENG 30:14

Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

JEREMIA 5:26

“Kai i khumichi theung y khumi hawi y naichi awm. Nichi ly deaung hawi tavochi ai patym nai khumichi kamta, khumichi ai patiu ai nai amo u yb bo.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

AMTAW 23:15

Hunai deaungkho y nangchi hawi tara chih nai keungchi py leu hawi nai tleaung y hawi ra chih ai tau nai kamta, ni ai nngchi teng y pahawi kathiu ai nai tavaimi lu areng keh teng y thui u; naibaly mymy ly nangchi i ahawi y tym y rai kha y my kaichi ly mymy ai padei ai nai ajeng yb ai mang,” napi.

AMTAW 25:3

Jerusalem y ni ai pahawi ai nai pahenra hnei, lam sala y o iy padei ai nai tau.