KOLOSA 4:6 - Khumi Common Language Bible

⁶ Nangchi ly khumi leaung leaungrei ai mana pathang bawibawi ai nai tla mo, nanai pany u thai ai nai, nangchi i leu thui nai ly palawi thiu nai, pahenra abawi nai ne jojo sy.

KOLOSA 4:6 ပူးပေါင်းရင်းမြစ်များ

1 NENG SATANG 16:24

Khumi cheng cheaungkhangchi teng y mymy i nang parai nai ai py, khumi bawibawichi teng y mymy i lyh ai nairachi py, amthang hai u.

SAM 105:2

Areng i nang parai nai ai khulym thui iy palo u; mymy i sa nai lyh ai hawi parai naichi thui pi u.

SAM 119:13

Kai ly nang i pei nai reita leu bawibawichi ai tao pajeng parai naimy kathui ai.

SAM 119:46

Kai ly nang i thui parip nai saichi ai, samrangchi i mo y pany hai ai; kai ly kangji kangai nga ai ny y.

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

SAM 66:16

Tameuh ai jei kaji naimy tahm khai nai khumi bawibawichi awi, jeu ly tangai u; mymy ly kai i vui y ati mana hawi ang sa pi mo, nanai kaimy kang thui pi ai.

LEU KACHENG 10:21

Khumi kahawi i leu ly khumi neangneangchi ai hawi hai ai. Na i py khumi hawi y nai ly amymy ai dei ai nai pa-rei tym hai pajau.

LEU KACHENG 15:4

Pahen nai leu ly hengra palum pi; na i py apahyp y nai leu ly paleung ka-dawn phra hai reng nai ne.

LEU KACHENG 15:7

Tau cheng naira ai ahei hai nai khumichi ly khumi ka-khumchi ny y i, khumi kachengchi ne.

Parip nai leu 10:12

Khumi kacheng i leu ly amy ai tahm awm hai iy, khumi ka-khum i leu ly amy ai phra naira tym hai reng.

Ezekiela 43:24

kai teng y jeu hai. Pathyp pi nai keungchi ly huni tawnbawichira palawi phui iy, kai teng y leng patlum ai nai tla.

Levi 2:13

Palawi ly nangchi hawi Tameuh sala y Leu Maikawm ka-ma-ra ne nai deaungkho y, teicha teinei talam nai tleirei palawi thiu ai nai tla. (Nangchi i talam nai kapathypra tleirei y palawi thiu ai nai tla.)

MATTHAI 5:13

“Nangchi ly khaileaung pri i palawi ne: na i py palawi ly dau veng baly ati my lum hai bi ai mo? Hunai khala y ly aphi iy khumichi my chiu lyhlyh ai naira y harei ny y baly ati sai py aly by y leang bo.

MARKA 9:50

Palawi ly hawi, na i py palawi ly dau veng baly ati my lum hai bi ai mo? Nangmychi kypkyp teng y palawi awm sy ly, ado u,” napi.

LUKA 4:22

Naibaly nichi bawibawi ly mymy ai kawn iy ni i labeaung i theu nai tamen nai leu ly lyh parai na i, “Hini khumi ly Josepha i chapo ny y lawh kha?” napi.

EPHESI 4:29

Leu hawi y nai ly nangchi i labeaung y den py theu moh sy, tangai nai keungchi ai pahenra nga hai thai ai nai, aeang nai kamta khaw hai ai nai leu kahawi ngierei phai thui sy.

Leu Thui Nai 11:19

Nangchi i cho chanauchi teng y py hini reita leu pei naichi patiu pi u. Nangchi yhm y awm i py, khuleaung keung y py, anawn khala py, kalop sa nai khala py, hini reitachi thui pi u.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang: