KOLOSA 4:3 - Khumi Common Language Bible

³ kai ai ang kawm nai aly ly Krista i leu kathiu thui pi ai nai, Tameuh my leu i vui kaichi ai katheu ang paeaung pi ai nai hawi,

KOLOSA 4:3 ပူးပေါင်းရင်းမြစ်များ

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

I KORINTH 16:9

ati mana nai mo nabaly katheu pa-kho kau parai nai hawi chawn parai naimy kai i vui am-eaung lawh, naibaly ang tiu nai keungchi py neangneang awm.

I KORINTH 4:1

Ami my kaichi ai Krista i kalop sa nai keung hawi Tameuh i leu kathiu kry nai keung y palawn sy.

II KORINTH 2:12

Naibaly kai ly Krista i Satang Kahawi thui pi ai nai Troas avang y katym nai, Areng y ly kai ai katheu ang paeung pi nai khala y ly,

EPHESI 3:1

Hunai deaungkho y kai Pawla, nangchi Cheng Takhrachi deaungkho y Krista Isu y theaung tla nai khumi ly-

EPHESI 3:3

huna nai jangvaini y leu sai dawi pe chy katajiu nai kamta, huni leu kathiu ly amteng hai naira y kai ai ang pany hai veng;

EPHESI 3:4

huni deaungkho y nangchi phain u baly kai i Krista i leu kathiu pany thai nai sai ly nangchi pany u pajau ai.

EPHESI 3:9

nanai khumi bawibawichi ai patei ai nai kai, khumi kachai bawibawichi theung y theang keh nai tleaung y theang keh nai teng y ly huni pahenra ly ang pei nai ne.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

PHILIPI 1:19

hunira y ly kai kawn, ne, kakawn jojo ai. Huni ly kai ai nangchi my chiu sa pi u nai deaungkho y hawi, Isu Krista my Phailo ang pei rawm nai deaungkho y py, kai i vui heng naira lawn ai, nanai kapany;

PHILIPI 1:7

Naibaly nangchi ai ly kai i paleung y kang khai nai deaungkho y, nangchi bawibawi mang y kai hunai kamta paleung awm nai kai i vui avo nai ne; ati mana nai mo nabaly kai ai kawm naira y py Satang Kahawi ai eaung hai nai leu kathui naira y hawi, khaw hai naira y py nangchi bawibawi ly kai hawi vanrei pahenra nga ahawi naichi ne.

KOLOSA 1:26

Huni Tameuh i leu ly jangni jangkhawn i neng hawi deung kangthau awm nai dengdairei leu kathiu aheu nai ne; na i py vai ly mymy i khumi kachaichi teng y amteng hai bo.

KOLOSA 4:18

Kai Pawla, kaimy i kiu kypkyp y kawn nai leu kang tajiu nai ne. Kai ai kawm nairachi ly pany u jojo ba. Pahenra ly nangchi teng y awm sy.

I THESALONIKA 5:25

Amjo amnauchi awi, kaichi i vui chiu so pi kyh.

II TIMOTHEI 1:16

Areng my ly Onesiphora i dengtheungchi teng y pahen naira tym hai sy; ni my ly kai ai amcheng hai reng i, kai i sengkry amchu nai py kaji hai y leang;

II TIMOTHEI 2:9

kai ly huni Satang Kahawi deaungkho y atiti hawi y sa nai keung kamta kawm ai ka-lawn pa-rei patang naira kakham nai ne; na i py Tameuh i leu ly kawm nai ny y leang.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

PHILEMON 1:22

Ati py ne sy, kai i anga naira so pi rym kyh: nangchi i chiu sa nairachi deaungkho y nangchi teng y kai ai ang pei ai, nanai athang kakhai.