KOLOSA 3:8 - Khumi Common Language Bible

⁸ Vai naini nangchi py hini bawibawi, kado theu naichi, amaran naichi, niu ngai y naichi, thui tamawn naichi, nangchi i labeaung i theu nai taheaung thui naichi ly patlaw u vui nai;

KOLOSA 3:8 ပူးပေါင်းရင်းမြစ်များ

SAM 37:8

Paleung mawn moh, kado theu moh; paleung mawn nai hawi kado theu nai ly nang ai patangra naini pei ai.

LEU KACHENG 17:14

Leu ka-ei i kamteaung ly tui kathang leaung fau angchei nai hawi atawm nai deaungkho y, huni ai anawn ai nabaly anawn hai ba.

LEU KACHENG 19:19

Kado theu len nai khumi ly pajeng naira avum sy. Ni ai patang naira i nai angchei tlenrei atleu pi baly, atleubi atleubi ai nai tla ai.

LEU KACHENG 29:22

Kado theu len nai khumi ly ka-jora tym hai reng. Hawi y naira cheaungkhang py sa nai ne.

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MARKA 7:22

angai naichi, paviu naichi, khumi ai padei naichi, pajang sa naichi, paleung ano naichi, kamngo naichi, tapawp naichi, paleaung naichi, akeng naichi, thui preaung naichi, am-e naichi, pathu naichi ly:

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

I KORINTH 3:3

ati mana nai mo nabaly nangchi ly tlang i kangai my peang naichi ne jojo rai: nangchi theung y akeng naira hawi aei naira awm reng nai deaungkho y nangchi ly tlang i kangai my peang nai ne iy, khumi kamta tako u jojo rai nai ny y lawh a?

II KORINTH 12:20

Kai kang jeu nai khala y atiti mo ra y py, kai i ngai nai kamta kang niu y iy, kai ai py nangchi i ngai nai kamtaniu u y lawh na, nanai kajei chy bo; ti y baly atiti mo ra y py ajo naichi, akeng naichi, kado theu naichi, atakai naichi, apreaung naichi, arum paviu atyhtyh naichi, tahm apasang ala naichi, khrukhra naichi awm lawh na;

KALATIA 5:15

Na i py nangchi ly akei u iy acha u leungtang makho baly, atamo hai u leungtang y ai nai amkym u.

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

KALATIA 5:26

Apacheang leungtang iy, paleung ano nai tahm apasang u moh sina.

EPHESI 4:22

nangchi i jangni i awm nai sai, khumi kangngym, tapawp naira i ngai phi teng y nai kamta phra ryh phraryh nai ai ly leng u vui ly,

EPHESI 4:25

Hunaibaly ka-chawi thui nai ly anawn vui iy, leaung leaungrei ly amy i saleaungchi teng y leu meitang thui u sy; achi ly leaung leaungrei ly vanrei angprei ahawi nai ne.

EPHESI 4:26

Kado theu u iy py kamngo tlo moh sy: nangchi i kado theu nai ai ly kani dym hai moh sy;

EPHESI 4:29

Leu hawi y nai ly nangchi i labeaung y den py theu moh sy, tangai nai keungchi ai pahenra nga hai thai ai nai, aeang nai kamta khaw hai ai nai leu kahawi ngierei phai thui sy.

EPHESI 5:4

taheaung thui nai hawi, thui atyhtyh nai hawi, krawp nai py; hunichi ly apu y nai ne; hunichi thui nai tleaung y ly kawn nai leu phai thui u.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

KOLOSA 3:9

nangchi ly khumi kangngym hawi mymy i atiti sa naichi hawi raurei leng vui iy khumi kangtha amthypu veng nai deaungkho y, ka-chawi athui u leungtang moh;

I TIMOTHEI 1:13

ati mana nai mo nabaly kai ly jangni y Tameuh ai thui tamawn nai keung hawi ana hai nai keung hawi, khumi kamlai ne teu i py kai ai ka-ym awm nai khumi ang palawn iy, mymy i kalop sa ai nai keung y ang khai rym:ne mang ly kai ly ym naira by y naimy pany y nai khala y kasa nai deaungkho y pahen naira kanga;

I TIMOTHEI 1:20

hunichi theung y Humenai nini Aleksandra ne; nini ly Tameuh ai thui tamawn y ai nai amtiu hawi thai ai nai, nini ai ly Setan teng y kaau bo.

HEBRAI 12:1

Hunaibaly angdeang nai keungchi my huna tanrei achi ai khupanym sau ana pa-rei ang taki nai deaungkho y, achi ai ateu hai yh nai ngierei hawi, amychi y abi cheng nai kamngo ly khai u veng teang sina;

JAKOB 2:7

Nichi ly nangchi ai pathi nai amyn kahawi ai ly thui tamawn y a?

I PETERA 2:1

Hunaibaly kamngo bawibawi hawi, tapawp paryp naira hawi, tapawp naira hawi, paleung no naira hawi, thui tamawn naira bawibawichi anawn u veng iy,

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

II PETERA 2:7

naibaly khumi kahawi Lota, khumi kamngochi i paleaung parai nai awm nai sai deaungkho y khrikhri pa-rei paleung mawn nai ai ly paheng baly:

JUDA 1:13

pangli tui sampyh thi nai, mymychi i kaji ai nai satang ly phawn achen naichi ne: ajau nai ka-si, hunichi i vui ly deungtasarei kaveng thokha nai pateung nai ne.

JUDA 1:8

Na i py hunichi py huna nai kamta mymychi i amang mang y tlang chai hai y i, aly peang naira tahm khai y iy, nang parai nai keungchi ai thui tamawn lawh.

AMTENG HAI NAI 16:9

Naibaly khri pa-rei bi nai deaungkho y khumichi ai ly akeaung hai tlau bo; naibaly nichi ly huni patang hai naira peang nai keung Tameuh i amyn thui tamawn iy, mymy ai palo ai nai uikhei nai paleung ngo u y leang.