KOLOSA 3:23 - Khumi Common Language Bible

²³ Mymy i tavawi tha nai, yhmtheaung amtym ai nai ly Areng teng i dengdairei nga ai nai pany u iy, nangchi i sa nai ngierei ly khumi i vui kamta so y naimy,

KOLOSA 3:23 ပူးပေါင်းရင်းမြစ်များ

2 NENG SATANG 31:21

Ni ly Achura yhm i vui sa nai kalopchira py, Reita leu pei nai ai kry naira py, mymy i Tameuh teng y paleung hawi tlang apei naimy sa nai deaungkho y eaung naira nga nai ne.

SAM 103:1

Aw kai i phailo, Areng ai palo! kai i tlang paleung phailochi awi, mymy i amyn kachai ai palo u!

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 119:145

Kai ly paleung hawi verei chiu kasa bo; aw Areng, kai ai pathang pi kyh ba; kai ly nang i leu pei naichi tangai ai!

SAM 119:34

Nang i reita kai ai thui pi kyh ba; huni ai kai ly tangai ai; paleung hawi verei atyp ai.

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

ROM AVANGCHI TENG Y PAWLA I CHA PA NAI 14:6

Huni kani ja nai keung ly Areng ai palo ai nai ja nai ne. Naibaly cha nai keung ly Tameuh teng y kawn nai leu thui nai deaungkho y Areng ai palo ai nai cha nai teu; cho y naikeung py Areng ai palo ai nai cho y nai teu; naibaly mymy ly Tameuh teng y kawn nai leu py thui teang.

ROM AVANGCHI TENG Y PAWLA I CHA PA NAI 14:8

Achi ly heng baly Areng i vui y heng nai ne: achi ly dei baly Areng i vui y dei nai ne; hunai deaungkho y achi ly heng iy py dei iy py achi ly Areng i ne.

EPHESI 5:22

Ajuchi awi, Areng teng y aau nai kamta ly nangmychi i juvochi teng y aau u.

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:13

Areng my deaungkho y khumi i leu khai rym nai bawibawi teng y ly, samrang teng y mo (ni ly len keh nai ne),

I PETERA 2:15

Naibaly ly atiti kahawi sa naira y ly khumi cheng y naichi i pany y nai leu thui nai anawn hai thai ai nai Tameuh i kangai ne khyp.