KOLOSA 3:10 - Khumi Common Language Bible

¹⁰ huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

KOLOSA 3:10 ပူးပေါင်းရင်းမြစ်များ

ATITI AWM ANGCHEI NAI 5:1

Hini ly Adam i kangpreangchi ne. (Tameuh my khumi ai sa nai khala y mymy ka-tawm khyp sa.

JOBA 29:14

Kai ly hawi naira hawi, adyh adawi naira y atyp jojo.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 18:31

Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

ROM AVANGCHI TENG Y PAWLA I CHA PA NAI 13:12

Vum ly tama vi tama vi veng bo i, khutawi ai bo; hunai deaungkho y kaveng i atiti sa naichi ly aphi vui iy, kangvang i tavai ateaung amthyp u sina.

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 6:4

Hunaibaly Ampo i nang parai naira my Krista ai kadeichi theung i nai pathau nai kamta, achi py heng naira kangtha y tako thai ai nai, achi ly baptisma nga naira y mymy teng y up teang nai bo.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:16

Hunai deaungkho y kaichi ly paha y leang; kaichi i angam mang i khumi ly rawp ryh rawp ryh teu i py, kaichi i theung mang i khumi ai ly kani tleirei kangtha sa ryh sa ryh nai ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

KALATIA 3:27

nangchi theung y Krista y baptisma nga nai ngiereichi ly Krista ai amthyp u bo.

KALATIA 6:15

Kangtha sa vui nai ny y baly, lengkhym takip nai py, takip y nai py ati sai py ny y leang.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 2:15

ado y nai atiti sa naichi leu pei nai reita awm nai ly mymy i tlang y tamen hai iy, kamkawm nyhrei nai ai ly bomrei sa, naibaly nichi sala i patle nai ampang ly anawi hai bo.

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

KOLOSA 3:14

naibaly hunichi bawibawi tleaung y py tamen naira amthyp u, huni ly hawi angym naira i kawmra ne.

PHILEMON 1:6

kai i chiu sa naira y ly nang i amyn katabawi jojo iy, kai i Tameuh teng y kawn nai leu kathui reng.

HEBRAI 6:6

nichi ly Tameuh i Chapo ai ly mymychi i vui y tahen anawi bi nai amthang hai leaung nai ne nai deaungkho y, nichi ai ly uikhei hai palai bi ai nai vuilam ny y leang.

I JOHAN 2:3

Naibaly achi ly mymy i leu pei naichi patawm nai ne baly, achi ly hunira y ly mymy ai pany, nanai amny mang.

I JOHAN 2:5

Na i py ami py mymy i leu patawm nai ngierei ly Tameuh ai tamen naira ly mymy teng y angym tatang nai bo. Achi ly hinira y mymy teng y awm, nanai apany nai ne.

AMTENG HAI NAI 21:5

Naibaly areng atehra tleaung y ateh nai keung my ly, “Khen cham, ati cheaungkhang kangtha kasa,” napi. Naibaly mymy ly “Tajiu ly, hini leu bawibawi ly ka-ym awm nai py kateng ne lawh,” napi.