KOLOSA 2:5 - Khumi Common Language Bible

⁵ Kai ly nangchi teng y ly tlang y awm y teu iy py, kawn parai naimy kaawm iy, nangchi i hawi u angeng nai sai hawi, Krista ai ym nai khaw u nai sai ly khen nai, phailo y ly nangchi teng y kang awm.

KOLOSA 2:5 ပူးပေါင်းရင်းမြစ်များ

2 NENG SATANG 29:35

Bom verei leng patlum nai kapathypra tawnbawichi bo y, khumichi my cha nai tawnbawi thauchi leng patlum nai, leng patlum nai katalamrachi hawi vanrei, kreip hang talam naichi py, pathyp pi nai keungchi my sa nai kalop ne. Hunai deaungkho y Achura yhm y chiu sa nai ly khaw ali teang bo.

SAM 78:37

Nichi ly mymy i tlang tleaung y ka-ym by y, mymy hawi asa nai Leu Maikawm ai py kry u y.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

Kati Nai 7:11

Areng my Mosi teng y, “Maicham ai khai takhra nai i vui y lu sa nai leaung holai nyhreichi ly leaungrei y kani kanirei amymychi i katalamra vawnchi talam hai ai nai tla,” napi.

AMTAW 2:42

Naibaly nichi ly abangnaichi i leu patiu naira y hawi amkawm naira y hawi, tako theng baw naira y hawi, chiu sa naira y py hawihai palai awm u jo.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

I KORINTH 11:34

Nangchi i achu nai ly tara chih naira y awm y ai nai, ami py kajeu alam baly amy i yhm y cho sy. Naibaly atiti takhra ly kai kang jeu nai khala y ka-vo kang dawn hai ai.

I KORINTH 14:40

na i py ati cheaungkhangra y apu parai nai hawi, hawihai palai ka-thui sa nai ne sy.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

KOLOSA 2:1

Kai ly nangmychi hawi, Leiodikeia avang y awm naichi hawi, tlang y kai meimai niu y nai ngiereichi i vui py mana tanrei ty na pa-rei kasa pi tanga mo, nanai nangchi pany ai nai kangai;

I THESALONIKA 2:17

Na i py amjo amnauchi awi, kaichi ly kra y nai sala chy i vui nangmychi hawi paleung y ny y naimy, meimai y amprei naira awm rai nai deaungkho y, ham parai nai tarawi y nangchi i meimai niu ai nai sa nai tleaung y sa ra nai bo.

I THESALONIKA 3:8

Vai ly nangchi ly Areng y phai khaw pa-rei angdo baly kaichi ly heng nai bo.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 6:19

Achi ly huni athang khai naira ai ly phailo i cheuha kakhaw hawi ka-ym awm nai nga bo; huni ly kanih jang nai theung y khrairei kun nai ne.

I PETERA 5:9

khaileaung pri y awm nai ngamjo ngamnauchi i tlang tleaung y hunai kamta patang naira ly tym reng nai ne, nanai pany u iy, khaw parai pa-rei ym iy ni ai tiu u.

RUTHI 1:18

Naomi my, Ruthi ly mymy hawi vanrei abang takengkei ai nai niu i, ati sai py thui y leang bo.