Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.
Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.
ado y nai atiti sa naichi leu pei nai reita awm nai ly mymy i tlang y tamen hai iy, kamkawm nyhrei nai ai ly bomrei sa, naibaly nichi sala i patle nai ampang ly anawi hai bo.
achi i taphra naira bawibawichi ly ang pahen iy, achi i tlang tleaung y awm nai kalai cha leu pei nai tajiu naichi, achi ai ang paka reng nai ai ly mymy ly taphra veng bo; huni kypkyp ai ly kraws y tahen iy, mymy ly la vui veng bo;
Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.
Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.
Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.