KOLOSA 2:18 - Khumi Common Language Bible

¹⁸ Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

KOLOSA 2:18 ပူးပေါင်းရင်းမြစ်များ

ATITI AWM ANGCHEI NAI 3:13

Areng Tameuh ly neampachy teng y, “Nang ly ati mana nai y hina nai sa lawh mo?” nanai deng baly neampachy my ly “Pavui my ang parawi nai deaungkho y kacha lawh bo,” nanai pathang.

JOBA 38:2

Cheng naira by y iy ati sai py ny y nai leuchi katheu i, kai i tau cheng naira ai ym y nai khumi ly ami mo?

ISAIA 57:9

Nangchi ly rimui hang hawi mui kahawichi amjui amthyp iy, Mole tameuh ai chiu ai nai chei u bo. Kamlo kang sa hawi tavau pri y khrairei py, savaichi pato iy tameuhchi ai hau u nai ne.

Ezekiela 13:3

Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.

DANIELA 11:38

Huni tameuhchi i jeng y ni ly amtangra meingtymchi ai kry nai tameuh ai palo ai. My i amsi pajochi my, mana khala py chiu vai y nai tameuh teng y muku, tangka, lengseaung vang katengchi hawi, takhra vang kateng langseaung katalamrachi talam ai.

Kati Nai 25:18

Ati ma nai mo na baly nichi ly peor meingtym y nangchi ai tapawp iy, atlym hai nai molam py, huni meingtym y no kanghawi y dei nai Kozabi i molam py, Midian chengchi ai tiu iy tamyh vui jau,” napi.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

ROM AVANGCHI TENG Y PAWLA I CHA PA NAI 1:25

nichi ly Tameuh i leu meitang ai ly ka-chawi hawi katheung iy, Sa Nai Keung ai chiu nai tleaung y ly mymy i sa nai ai chiu iy huni i kalop sa u lawh. Sa Nai Keung ai ly deungtasarei palo nai ne. Amen.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

I KORINTH 13:4

Tamen naira ly kham py kham pajau, neaung py hawi; tamen naira ly paleung py ano y; tamen naira ly palo py apalo y, am-e py am-e y,

I KORINTH 3:3

ati mana nai mo nabaly nangchi ly tlang i kangai my peang naichi ne jojo rai: nangchi theung y akeng naira hawi aei naira awm reng nai deaungkho y nangchi ly tlang i kangai my peang nai ne iy, khumi kamta tako u jojo rai nai ny y lawh a?

I KORINTH 4:18

Naibaly kai ly nangchi teng y kang jeu bi y ai nai kamta my phyreichi ly paleung len bo.

I KORINTH 4:6

Naibaly amjo amnauchi awi, leu tajiu nai ai ly katlen u y ai nai nangchi ly kaini i amtiu u thai ai nai hawi, nangchi theung y ami py leaung leaungrei mang y py am-e u y ai nai py, huni leu ly nangchi hawi ai nai kai ly Apolo kaini i tlang tleaung y dawn pata nai leu kamta katabi nai ne.

I KORINTH 8:1

Naibaly vai ly myn y atiti apathyp nai huni satang ly. Achi ly pany naira awm bawibawi, nanai apany. Pany naira my ly paleung len hai reng, na i py tamen naira my ly veang hai reng.

I KORINTH 9:24

Angpreng acham naira y acham naichi bawibawi ly angpreng, na i py kawn nai vang ly leaungrei chy nga khyh, nanai ly nangchi pany y a? Nangchi nga thai ai nai hunai kamta khyp angpreng u.

II KORINTH 11:3

Na i py pavui my cheng tapawp naira y Evi ai parawi nai kamta ly, Krista mang y meitang nai hawi chai naira i dengdairei nai ly ati mo sa iy nangchi i paleung taphra lawh na, nanai kajei pahui nai ne.

II KORINTH 12:20

Kai kang jeu nai khala y atiti mo ra y py, kai i ngai nai kamta kang niu y iy, kai ai py nangchi i ngai nai kamtaniu u y lawh na, nanai kajei chy bo; ti y baly atiti mo ra y py ajo naichi, akeng naichi, kado theu naichi, atakai naichi, apreaung naichi, arum paviu atyhtyh naichi, tahm apasang ala naichi, khrukhra naichi awm lawh na;

EPHESI 4:17

Hunaibaly kai ly huna nai thui iy Areng y kang pany hai nai ne: Cheng Takhrachi i dawn rumrang nai tako nai kamta ly tako u bi moh; nichi i pany naira y ly veng nai ne;

EPHESI 5:6

Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

Leu Thui Nai 29:29

“Achi i Areng Tameuh my thui pi y nai satangchi awm rai. Na i py achi teng y thui pi nai satangchi ly reita leu pei naichi ne; achi hawi achi i kangpreangchi ly huni reita leu pei naichi ai avawrei patawm jojo ai nai tla.

PHILIPI 3:14

Krista Isu i saho y Tameuh i salo mang y ang palau nai kawn nai vang nga ai nai katem y tym pa-rei katapai tanga nai ne.

KOLOSA 2:23

Hunai kamta atitichi ly amy i ngai nai kamta chiu nai hawi, leu anui nai hawi, amy i ngan y no apei naira y ly cheng naira angam mang y amteng hai khyp nai ne; hunichi my ly tlang i kangai patawm nai kam ai naira y ly ati sai py kamran awm lawh y leang.

KOLOSA 2:4

Ami py nangchi ai leu kakawp y ang tapawp y ai nai huni ly kana nai ne.

KOLOSA 2:8

Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.

I TIMOTHEI 1:7

nichi ly mymychi i leu thui nai hawi, mymychi i leu ho parai nai awm nai sai apany thai y i py, Reita patiu nai keung lawn ai nai ngai u lawh reng.

I TIMOTHEI 4:1

Na i py vai momang y ly phyrei khumichi ly ka-chawi thui naichi i tapawp naira deaungkho y tamang hai nai phailochi hawi,

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

I JOHAN 2:26

Nangchi ai ang tapawp ai tau nai keungchi i satang ly nangchi teng y katajiu nai ne.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.

AMTENG HAI NAI 3:11

Kai kang jeu praw ai:ami py nang i areng lukhym lo pi y ai nai nang i atiti awm angchi nai ly patawn cheng.