KOLOSA 2:16 - Khumi Common Language Bible

¹⁶ Hunaibaly cha nai molam y mo, nei nai molam y mo, pawi kani molam y mo, lo si nai molom y mo, anawn kani molom y mo nangchi ai ami py cheh moh sy;

KOLOSA 2:16 ပူးပေါင်းရင်းမြစ်များ

2 ARENG KEH 4:23

Juvo my, “Ati mana nai y vaini chei ai nai ngai lawh mo? Vaini ly anawn kani ny y, losi pawi kani py ny y be,” napi. Aju my, “Huna nai ny y i py, aly by y leang,” nanai pathang.

1 NENG SATANG 23:31

Hini kalop tlenreira y Levi theaung leaung majirei sa ai nai tla mo, nanai pasym yb nai reita awm. Levi theaungchi sa jojo ai nai kalopchi ly Areng ai chiu ai nai ne.

2 NENG SATANG 31:3

Samrang ly Areng i Reita leu y awm yb nai kamta, kani tleirei khawn mang py, dym mang py, anawn kani, lo si pawi kani hawi takhra pawi kanichi khala y leng patlum ai nai aly ngai nai si hawi beramchi ai, mymy hai theung i pei pi nai ne.

NEHEMIA 10:31

Cheng takhrachi my anawn kani y mo, khai takhra nai pawi kani y mo, choh, ti y baly takhra sai sairei jo ai nai syn lawh baly, kaichi ly van pi ai ny y. Saryh saneng tym nai tleirei kaichi ly li sa ai ny y. Kalum kalai awm nai bawibawi py palawi pi vui ai.

NEHEMIA 10:33

Kaichi ly Achura yhm y chiu sa ai nai molam y tako kachai, kani tleirei teicha teinei talam nai, kani tleirei leng patlum ai nai tawnbawichi, anawn kani, lo si pawi kani hawi takhra pawi kanichi i vui katalamrachi, takhra chai parai nai katalamrachi, Israela chengchi i vui kamngo lawi nai kapathypra hawi, Achura yhm i vui takhra aly ngai naichi katalam u ai.

NEHEMIA 8:9

Nichi ly Reita leu pei nai theung i dawn hai naichi thai nai khala y, paleung ama nai vo u bo. Naibaly samrang i bangtang kalen Nehemia, Reita leu kawp nai pathyp pi nai keung Ezara hawi Reita leu pei nai cha-iu i awm nai sai thui pachai nai Levi theaungchi my, “Vaini ly nangchi i Areng Tameuh i kani kachai ne. Hunai deaungkho y nangchi ly paleung ama nai vo tangam u moh.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 81:3

Losi kani hawi lo-um kani pawi sa ai nai molam baw eng u.

ISAIA 1:13

Nangchi i ati sai py ny y nai kapathyprachi ai kai, aly ngai bi y leang bo. Nangchi i talam nai mui katui kamuichi ai kai paso. Nangchi i lo si pawi kanichi, anawn kanichi hawi reita pawi kanichi ai kapaso. Nangchi i kamngo nai molam y, hunichi ly tamang piupa na veng bo.

Ezekiela 4:14

Na i py, “Sa thai naira awm nai Areng, kai ly kaimy mana khala py amso ngai hai vai y leng; deaungdichy khala i dengdairei alyly naimy dei nai tawnbawi mawi py, mawi kasichi my kei iy dei nai amso mawi py kacho vai y. Kai ly chai y nai teicha teinei mana khala py kacho vai y,” nanai pathang.

Ezekiela 45:17

Losi kani, Anawn kani hawi takhra pawi kani tleirei, Israela cheng vuijeungrei vui leng patlum ai nai tawnbawichi, teicha teinei katalamrachi hawi, kreip hang katalamrachi py, peang thym nai samrang ly talam ai nai tla. Ni ly Israela chengchi i kamngo lawira nga ai nai kamngo lawi nai kapathypra, teicha teinei katalamra, leng patlum nai kapathypra hawi, leunghawi asa nai kapathyprachi sa pi ai nai tla,” napi.

Levi 16:31

Huni kani ly khri pa-rei chai nai kani ne; huni kani y mani mo kalop py sa ai nai avo y. Hini reita ai katu chanau deung khrairei teaung patawm jojo ai nai tla.

AMOS 8:5

Nangchi my thui nai ly “Kaichi ly chohpui chomaw jo ai nai ngai; chai nai kani kheih ai nai malawn py ajeng pajau y na bo. Anawn kani ly mana khala y kheih ai mo? Huni kani kheih baly kaichi ly teng y nai takhu teaung hawi, teng y nai sie khyrychi teaung iy vang palyn nai jo ai.

Kati Nai 10:10

Huni bo y amo theu nai pawi, napi nai lo si pawichi hawi takhra reita pawichi sa naira y leng patlum nai kapathypra hawi, leunghawi kapathypra talam nai khala y, nangchi ly bawchi eng u ai nai tla. Naibaly kai ly nangchi ai sabawm ai. Kai ly nangchi i Areng Tameuh ne,” napi.

MATTHAI 15:11

“Tangai u ly, dawn pany u; labeaung y kun nai ly khumi ai chai hai y nai ny y leang, leabeaung i nai theu nai ly huni kypkyp my khumi ai chai hai y nai ne,” napi.

MARKA 7:19

Ati py angam mang i dengdairei khumi i taku theung y kun nai ngierei ly ni i paleung theung y kun y i, ni i kajeu theung y kun iy, ei thau naira y theu veng nai deaungkho y ni ai ly chai hai thai y ai nai pajau y, nanai ly pany u y nai sai a?” napi. (Huni ly cha ai nai amjy cheaungkhang ly cha ngau, nanai sai ne.)

AMTAW 15:20

na i py nichi ly myn y chiu nai atiti chai y naichi hawi, angai nai hawi, mawi taau ka nai hawi, thi cha nai hawi anawn ai nai, achi ly mymychi teng y cha pa ai nai hawi keh, nanai dawn kai ly.

ROM AVANGCHI TENG Y PAWLA I CHA PA NAI 14:10

Na i py nang ly ati mana nai ngamjo ngamnau ai cheh lawh? Mana nai y ngamjo ngamnau ai tahm khai y lawh? Achi bawibawi ly Tameuh i tara chih nai atehra mo y angdo ai nai tla;

KALATIA 4:10

Nangchi ly kanichi py, lochi py, nengchi py, sanengchi py ja u reng.

KOLOSA 2:20

Nangchi ly khaileaung pri i pakeungchi mang i nai Krista hawi dei u vui chum bo nabaly,

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

HEBRAI 9:10

cha nei ai naichi, tui y paju nai takhra takhrachi, hunichi ly tlang i reita ne, sa palai bi ai nai neng tym y ryrei ly khai rym nai teu.

JAKOB 4:11

Amjo amnauchi awi, apreaung u reng moh. Ami py amy i amjo amnau ai preaung iy, amy i amjo amnau ai cheh baly, Reita ai preaung iy, Reita ai py cheh:naibaly nang ly Reita ai cheh baly, nang ly Reita patawm nai keung ny y, tara chih nai keung tla lawh veng.

1 SAMUELA 20:18

Naibaly Jonathan my, “Khawndam ly lo si pawi neng kani ne; huni pawira y nang by y lawh baly, nang i meingtym akeu nai niu u ai.

1 SAMUELA 20:5

Davida my, “Khawndam ly lo si pawi kani ne. Kai ly samrang hawi vanrei cha nei ai avo nai neng ne. Na i py nangmy avo hai ai nabaly, kai ly daichi theung y chei iy, khawnvai dym ryrei aheu jo ai.