KOLOSA 1:6 - Khumi Common Language Bible

⁶ nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

KOLOSA 1:6 ပူးပေါင်းရင်းမြစ်များ

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

MATTHAI 24:14

Naibaly cheng bawibawichi teng y pany hai naira lawn ai nai hini Tameuh my peang nai Satang Kahawi ly khaileaung pri verei y thui pi ai; huni pajau khala y ly tem naira tym ai.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

MARKA 4:8

Naibaly phyrei ly khaileaung kahawi ra y tla i, prau iy len ryh len ryh i vui theu; naibaly phairei, vui tariurei, chungvairei peung,” napi.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 17:19

Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

JOHAN 4:23

Na i py neng tym dudu bo, vai py tym ryp bo, huna nai khala y ly Tameuh ai chiu tatang naichi ly phailo hawi meitang khyp naimy Ampo ai chiu ai: Tameuh ly mymy ai chiu ai nai huna naichi ai ly hau mang.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 12:24

Na i py Tameuh i leu ly ahei i, peung ryh peung ryh bo.

AMTAW 16:14

Naibaly amyn Ludia, kanih kamsen jeaung jo nai keung, Thuatira avang i khumi, neampachy leaungrei ly kaichi i leu thui nai ly tangai bo, naibaly ni ai ly Pawla i leu thui nai patawm ai nai Areng my mymy i paleung paeaung bo.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 1:13

Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.

ROM AVANGCHI TENG Y PAWLA I CHA PA NAI 15:28

Hunai deaungkho y kai ly huni kasa iy, huni athai py mymychi i vui kapajaw hai typ iy, nangmychi ai de nai Spain pri y kachei veangveang ai.

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

II KORINTH 10:14

Nangchi ai pho pajau y nai kamta kau ala nai angam nai ny y leang. Ati mana nai mo nabaly kaichi ly Krista i Satang Kahawi y nangchi teng y khrairei kang jeu manme nai ne.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

EPHESI 3:2

nangchi i vui Tameuh i pahenra kry ai nai kai ai ang pei nai ly nangchi pany u nabaly;

EPHESI 4:21

Isu y leu meitang awm nai kamta nangchi ly mymy i raawi tangai iy mymy y amtiu nai ne nabaly:

EPHESI 4:23

nangchi i paleung phailo y ly kangtha awm u ly, naibaly khumi kangtha,

EPHESI 5:9

Areng i kawn nai ly ati mo, nanai cham iy, kangvang i chanauchi kamta tako u;

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

II THESALONIKA 2:13

Na i py Areng i ngai parai nai amjo amnauchi awi, Phailo i ang pachai nai hawi leu meitang ai ym iy, pahengra nga ai nai Tameuh my angchei kha i dengdairei nangchi ai ang vawi nai deaungkho y, kaichi ly nangchi i molam y Tameuh teng y kawn nai leu thui jojo nai ne;

I PETERA 5:12

Achi i amjo amnau ka-ym awm parai nai, athang kakhai nai Silvana i kiu y ly nangchi ai pachei ai nai hawi, huni ly Tameuh i pahenra tatang ne, nanai pany hai ai nai py nangchi teng y cha kadawi pe chy katajiu nai ne: hunira y ly kahawi angdo u.