KOLOSA 1:5 - Khumi Common Language Bible

⁵ Nangchi ly huni athang khai naira satang jangni y Satang Kahawi leu meitang y thai u nai ly, nangchi teng y ang tym chy bo;

KOLOSA 1:5 ပူးပေါင်းရင်းမြစ်များ

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

LUKA 12:33

Nangchi i awm nai ngierei jo u ly, khumi ngarichi teng y pei u; kani pri mang y kangviuchi tym y naira y, thaikem my cho y naira y, tangka yh tangym thai y nai hawi, yhmtheaung tamo pajau y nai py so u.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

AMTAW 23:6

Naibaly phyrei ly Saddukaichi, phyrei ly Pharisaichi ne, nanai Pawla niu iy, tara chih keungchi theung y aeu i, “Amjo amnauchi awi, kai ly Pharisai ne, Pharisai i chapo py ne ryp; kadeichi i vui athang khai naira hawi angthau bi naira py kai ai ang deng nai he,” napi.

AMTAW 24:15

naibaly khumi kahawichi py, hawi y naichi py angthau bi ai, nanai Tameuh teng y athang khai nai, hinichi py huni ly ym teang makho;

ROM AVANGCHI TENG Y PAWLA I CHA PA NAI 10:8

Huni ly ati thui mo? Leu my ly ang kasa, nang i labeaung y hawi nang i paleung y py awm, nanai thui; huni ly kaichi i kang thui pi reng nai ym nai leu ne:

I KORINTH 13:13

Hunaibaly hini thomrei, ym naira hawi, athang khai naira hawi, tamen naira py awm jojo ai; naibaly hinichi theung y len keh nai ly tamen naira ne.

I KORINTH 15:19

Achi ly hini heng nai sala chy y Krista ai athang khai naira awm khyh baly, khumi bawibawichi tleaung y ly achi ai pahen ai nai awm keh ai.

II KORINTH 5:19

huna nai Tameuh my Krista y khaileaung pri ai ly amymy hawi aly hai nai ne, nichi i taphra nairachi ly mymychi i tlang tleaung y taphra nairachi palawn pi y naimy, kaichi ai aly naira leu ang au nai bo.

II KORINTH 6:7

leu meitang ra y py, Tameuh i atiti sa thai naira y py; langvawi mang py lamtang mang py hawi naira haichi deaungkho y py, palo naira hawi palo y naira deaungkho y py,

KALATIA 2:14

Na i py nichi ly Satang Kahawi leu meitang kamta hawihai palai awm u y nanai kapany i, Kipha teng y nichi bawibawi i mo y, “Nang ly Juda khumi ne baly Judachi i awm nai kamta awm y naimy nang ly Cheng Takhrachi i awm nai kamta awm lawh nai ly, ati mana nai y Cheng Takhrachi ai ly Judachi i awm nai kamta nang ly awm hai akhikan lawh mo?” kanapi.

KALATIA 2:5

Na i py Satang Kahawi leu meitang ly nangchi teng y awm jojo thai ai nai, kaichi ly tanarei chy py aau iy nichi i leu patawm y leang.

KALATIA 5:5

Achi ly Phailo i saho y ym naira deaungkho y hawi naira i athang khai naira ajeng nai ne.

EPHESI 1:13

Mymy y ly nangchi py leu meitang, nangchi i heng nai Satang Kahawi ly tangai u iy, ym py ym u nai bo y mymy y ly adeu nai Phailo Kachai y ang pajawp hai typ bo.

EPHESI 4:21

Isu y leu meitang awm nai kamta nangchi ly mymy i raawi tangai iy mymy y amtiu nai ne nabaly:

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

I TIMOTHEI 1:15

Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

TITA 1:2

ka-chawi thui vai y nai Tameuh my ly kani khaileaung palum y rai kha y my huni ai adeu yb veng bo;

HEBRAI 7:19

(Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang:

II PETERA 1:12

Hunai deaungkho y nangchi ly huni atitichi ai ly pany iy, nangchi teng y awm nai leu meitang naira y khaw u iy py, huni atitichi ai ly kang pany hai ai nai kangvei rym jojo ai.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.