KOLOSA 1:28 - Khumi Common Language Bible

²⁸ kaichi my khumi leaung leaungrei ai parip iy, khumi leaung leaungrei ai cheng naira cheaungkhang y patiu nai, mymy i satang kaichi my thui pi reng nai ne:

KOLOSA 1:28 ပူးပေါင်းရင်းမြစ်များ

EZARA 7:25

Nang, Ezara ly nang teng y Tameuh my ang pei nai cheng naira ai teaung iy Euphrat tavo pui nidym ka-peangra y, nang i Tameuh i leu tangai u nai khumi bawibawichi ai peang ai nai molam y, peang nai keungchi hawi tara chih nai keungchi ai khai takhra ba. Nang ly huni reita leu pany y nai khumichi ai patiu pi ba.

LEU KACHENG 8:5

Nangchi ly cheng naira angym bo a? Cheng naira angym pa-rei amtiu u. Nangchi ly khumi ka-khumchi a? Cheng naira nga ai nai amtiu u.

Parip nai leu 12:9

Na i py leu kathiu dawn pasym kawp nai khumi kacheng ly cheng nai khumi ne iy, mymy i pany kawp nai cheng nairachi ly khumichi teng y patiu pi pateang reng nai ne.

JEREMIA 3:15

Kai i leu tangai nai beram typ keungchi ai, nangchi teng y kang pei ai. Nichi ly nangchi ai cheng naira hawi, pany thai naira hawimy peang u ai.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

Ezekiela 7:10

Israela chengchi i vui patang ai nai neng ly kasa bo. Khrukhra naira ly len ryh len ryh bo. Khri pa-rei amlyh am-e nai neng ne.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

MATTHAI 3:7

Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

MARKA 6:34

Hunaibaly mymy ly kacheng y angkhyh kha y khumi mipui ka-teng ny y nai niu iy, typ nai keung by y nai beramchi kamta atawm nai deaungkho y khrikhri pa-rei pahen i, nichi ai leu neangneang patiu amteaung.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 11:20

Na i py mymychi theung y phyreichi ly Kupra hawi Kurini khumichi ne, hunichi my ly Antiokei avang y tym iy Krikchi teng y py leu thui i, Areng Isu i satang thui pi teang bo.

AMTAW 13:38

Hunaibaly amjo amnauchi awi, hini khumi i saho y kamngo pahen naira leu nangchi teng y thui pi nai he;

AMTAW 17:18

Naibaly Epikuria khumi hawi Stoik khumichi theung y khumi kacheng amichi mo mymy hawi avum. Phyreichi ly, “Hini khumi leu kapeung ly ati thui ai nai tau mo?” napi. Phyreichi my ly, “Tameuh takhrachi i satang thui nai ngaw khyh,” napi. mymy ly Isu i satang hawi angthau bi nai leu py thui pi nai deaungkho y.

AMTAW 17:3

Krista ly ngari patang ai nai hawi, kadeichi theung i dengdairei angthau bi ai nai angchi yb nai saichi py chai pyn pa-rei thui pi pachai i, “Hini Isu, mymy i leu kang thui pi nai ly, mymy ly Krista ne,” napi.

AMTAW 20:31

Hunai deaungkho y atyp u, saneng thomrei sala y vum kanithun kai meikatui tla nai tarawi y anawn y naimy khumi leaung leaungrei ai kang pachei nai ly pany u jo ba.

AMTAW 3:20

hunaibaly Areng teng i dengdairei amcheng nai neng tym thai ai i, Isu, nangchi i vui y ang khai pi yb nai Krista ai ly ang pato thai ai nai:

AMTAW 5:42

Naibaly nichi ly kani tleirei achura yhm kalen pui y hawi, mymychi i yhm tleirei y py Isu ly Krista ne, nanai patiu nai hawi thui pi nai ly anawn lawh y leang.

AMTAW 8:35

Naibaly Philipa my ly thui i, huni Tameuh cha-iu i leu pakeung i dengdairei amteaung iy mymy teng y Isu i satang thui pi.

AMTAW 8:5

Naibaly Philipa ly Samari avang y chei iy, mymychi teng y Krista i satang thui pi.

AMTAW 9:20

Naibaly mymy ly Damaska avang i awm nai abangnaichi teng y ly kani majirei mo awm, naibaly achura yhm y Isu ly Tameuh i Chapo ne, nanai thui pi praw.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 12:8

Khumi leaungrei teng y ly Phailo i saho y cheng naira leu pei nai ne; khumi takhra teng y ly huni Phailo i saho y teang pany ai naira leu pei nai ne;

I KORINTH 15:12

Naibaly Krista ai kadeichi theung i nai pathau nai awm bo, nanai leu thui makho nai iy, ati mana nai nangchi theung y phyreichi ly kadeichi angthau bi ai nai ly pipi by y leang. na u lawh mo?

I KORINTH 2:15

Na i py phailo mang y asa nai khumi ly ati cheaungkhang dawn pasym i, ni ai ly ami py cheh thai y leang.

I KORINTH 2:6

Na i py kaichi ly khumi ka-cheangchi theung y ly cheng nai leu thui pi; na i py hini khaileaung pri i cheng nai leu ny y leang, hini khaileaung pri i peang nai keung tama ai naichi i cheng nai leu py ny y leang.

I KORINTH 4:14

Hini leu ly nangchi ai kangji pei ai nai katajiu nai ny y leang, kai i chanau ngai parai naichi kamta kang parip ai nai tajiu nai teu.

II KORINTH 10:14

Nangchi ai pho pajau y nai kamta kau ala nai angam nai ny y leang. Ati mana nai mo nabaly kaichi ly Krista i Satang Kahawi y nangchi teng y khrairei kang jeu manme nai ne.

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

EPHESI 5:27

mymy ly palau takhra kamkawm ly anyng akau y nai hawi, aneaung y nai hawi, hunai kamta atitichi den py awm y naimy, chai nai hawi meimai cheh ai by y nai awm iy, amymy ai palau takhra kamkawm tahm asang parai nai apei amang thai ai nai py, huni i jeng y apei nai bo.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

KOLOSA 1:22

na i py vai ly nangchi ai ly mymy i mo y chai parai nai hawi, meimai cheh ai by y nai hawi, thui ai by y nai angdo hai ai nai, mymy i ngan i tlang y ly dei naira i saho y nangchi ai aly hai nai bo:

KOLOSA 2:10

Nangchi ly mymy y ly angym teang; ni ly areng naira hawi aly peang naira bawibawi i lu ne.

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

I THESALONIKA 4:6

hunira y ly ami py tamang iy amy i amjo amnau i tlang tleaung y atiti hawi y nai so moh sy; ati mana nai mo nabaly Areng ly huni bawibawira y ly vawitheung tha nai keung ne; kaichi py kang thui pi rym iy kang pany hai chum veng bo.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

I TIMOTHEI 3:2

Hunaibaly palau takhra kamkawm peang nai keung my ly cheh naira by y nai, aju harei awm khyh nai, amkym thai nai, paleung kateng, khumi kahawi, angvyn angvo hawihai nai,

HEBRAI 10:14

Ati mana nai mo nabaly ni ly harei chy talam naira y my chai hai chum naichi ai deungtasa khrairei angym hai bo.

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

II PETERA 3:15

Naibaly achi i Areng i kham pajau nai sai ly paheng naira y palawn u; achi i amjo amnau ngai parai nai Pawla py ni teng y cheng naira pei nai kamta ly nangchi teng y tajiu teang bo;