KOLOSA 1:27 - Khumi Common Language Bible

²⁷ Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 1:27 ပူးပေါင်းရင်းမြစ်များ

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

LUKA 17:21

‘Khen cham, hi y he: hu y ho,’ nanai py ang tapi y ai; khen cham, Tameuh i peang nai ly nangchi i paleung theung y awm,” nanai pathang.

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 14:20

Huni kani y kai ly Ngaai teng y awm, nanai hawi, nangchi ly kai teng y awm, nanai hawi, kaimy nangmychi teng y awm nanai py nangmychi my pany ai.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 17:26

naibaly nang i kai ai tamen nai ly mychi teng y awm i, kai py mychi teng y awm thai ai nai, kaimy nichi teng y nangmy i amyn pany hai bo, kapany hai bi ai,” napi.

JOHAN 6:56

Kai i ngan cha iy kai i thi nei nai khumi ly kaimy teng y awm jo, kai py mymy teng y awm jo.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

ROM AVANGCHI TENG Y PAWLA I CHA PA NAI 2:4

Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

ROM AVANGCHI TENG Y PAWLA I CHA PA NAI 5:2

mymy i saho y teang, achi i hini pahenra kakhaw angdo naira y ly ym naira deaungkho y kun bo; naibaly Tameuh i nang parai naira ai phy nga ai nai athang khai iy kawn u sina.

ROM AVANGCHI TENG Y PAWLA I CHA PA NAI 8:10

Naibaly Krista ly nangmychi y awm baly kamngo nai deaungkho y tlang ly dei nai ne; phailo naini hawi naira deaungkho y heng nai ne.

ROM AVANGCHI TENG Y PAWLA I CHA PA NAI 9:23

kado theu naira laawm, tama ai ataing naichi i tlang tleaung y ly amnym tanga iy, mymy i kado theu nai hawi mymy i atiti sa thai naira amteng hai ai nai ngai teu iy py, mana sa ai mo?

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 4:19

Bechi awi, Krista ly nangchi theung y angpa be y ryrei ly deaungdi tapen ai achai nai kajeu kano bi nai bo he.

EPHESI 1:7

achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

EPHESI 2:22

nangchi ai py mymy y ly Phailo y Tameuh i awm ai naira padyh u achu nai ne.

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

KOLOSA 1:5

Nangchi ly huni athang khai naira satang jangni y Satang Kahawi leu meitang y thai u nai ly, nangchi teng y ang tym chy bo;

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.

I TIMOTHEI 1:1

Achi ai paheng nai keung Tameuh hawi, achi i athang khai naira Krista Isu i leu pei nai kamta Krista Isu i amtaw thau nai Pawla my ly,

HEBRAI 6:19

Achi ly huni athang khai naira ai ly phailo i cheuha kakhaw hawi ka-ym awm nai nga bo; huni ly kanih jang nai theung y khrairei kun nai ne.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.