KOLOSA 1:23 - Khumi Common Language Bible

²³ nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:23 ပူးပေါင်းရင်းမြစ်များ

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

TANGAM NAI LEU 3:66

Nichi ai hui iy patiu ly khaileaung tleaung i nai nichi ai ha py by y pa-rei, tamyh pawn kyh ba!”

Ezekiela 18:26

Khumi kahawi ly kahawi sa nai anawn iy hawi y sa nai khala y dei baly, huni khumi ly mymy i hawi y sa nai deaungkho y dei nai ne.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

LUKA 22:32

na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

LUKA 6:48

Mymy ly yhm sa nai keung, thiu parai pa-rei tai iy lengseaung pui tleaung y lengseaung leng nai kamta atawm; naibaly tui len iy, tui ry kaho my huni yhm y stiu i, hawihai palai sa nai deaungkho y amchyh lei y.

JOHAN 15:6

Ami py kaimy teng y awm jo y baly changpi aphi nai kamta aphi iy jei ai; naibaly phawm iy mai y aphi ai i kang ai.

AMTAW 1:17

Ni ai ly achi theung y kati tabawi nai ne i, hini krykeung kalop y py phy nga teang.

AMTAW 1:25

hini krykeung kalop hawi amtaw thau nai kalop i jeng y awm ai nai, hinini khumi leaung nyhrei ai nangmy mani ai vawi mo, nanai kaichi ai pany hai kyh ba,” napi.

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 2:5

Naibaly kani anui i cheng cheaungkhang theung i dengdairei Tameuh ai dawn parai nai Judachi ly Jerusalem y ni awm.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 26:16

na i py angthau ly, kheu y angdo, hini nang i atiti niu naichi hawi, nang teng y kai vai amteng ai nai atitichi py, krykeung hawi pany hai nai keung y kang palawn ai nai py, kai nang teng y amteng nai he;

AMTAW 4:12

Takhra ami teng y py pahengra by y leang, kani anui y khumi amyn pathi naichi theung y achi ai paheng ai nai amyn takhra ha py by y,” napi.

ROM AVANGCHI TENG Y PAWLA I CHA PA NAI 10:18

Na i py kai ly napi, Nichi ly thai u y nai sai a? Thai u chy y; “Nichi i katyn ly meingtym tleirei y amthang iy Nichi i leu ly khuteng taki y tym pa-rei amthang bo,” napi nai ne.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 3:5

Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 11:23

Nichi ly Krista i kalop sa nai keungchi ne a? (Khumi kamthu kamta thui teu sy ly), kai naini ne keh; sa akawm naira y py khri pa-rei ty nanai, theaung y tla naira y py khri pa-rei ty nanai, ang pakhau naira y py khri pa-rei nawi nanai, dei naira py neangneang avum bo.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 4:1

Hunai deaungkho y kaichi ly pahen naira nga nai kamta hini krykeung kalop sa ai nai awm nai deaungkho y kaichi ly paha y leang;

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

KALATIA 4:11

Kai ly nangchi i vui jawm my atho kasum lawh na mo, nanai kajei.

KALATIA 5:5

Achi ly Phailo i saho y ym naira deaungkho y hawi naira i athang khai naira ajeng nai ne.

KALATIA 5:7

Nangchi ly hawihai palai angpreng u veng chy bo; nangchi ai ly leu meitang patawm y ai nai ami my ang paka mo?

KALATIA 6:9

Hunaibaly atiti kahawi sa ai nai palei u reng moh sina; achi ly apatlaw jo y baly neng khyp nai khala y ly pakym ai.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 2:21

mymy y ly lengseaung padyh nai takhra takhra adyh parai pa-rei my acha typ iy, Areng y ly achura yhm kachai lawn dudu bo;

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

EPHESI 4:16

Mymy i saho y tlang bomrei ly amtawm naira cheaungkhang sa nai deaungkho y adyh parai pa-rei myacha typ nai patawm achu iy, kangprei cheaungkhang my sa nai kamta, tlang ai ly tamen naira y amcheang ai nai veang hai nai ne.

Leu Thui Nai 2:25

Vaini dengdairei meingtym tleirei y awm nai khumichi ly nangchi i amyn thai baly nangchi ai jei nai kaso theu hai ai,’ napi.

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.

KOLOSA 1:25

mymy i tlang ly palau takhra kamkawm ne. Tameuh i leu thui pi angym ai nai Tameuh my nangchi i vui kai ai ang pei nai kamta, kai ai ly huni theung y krykeung lawn ai nai ang sa hai nai ne.

KOLOSA 2:7

nangchi ai ang patiu nai kamta ym u naira y ly khaw parai pa-rei awm u.

I THESALONIKA 3:3

Achi ly hinichi patang ai nai ang sa rym nai ne, nanai nangmychi kypkyp my pany u veng bo.

I THESALONIKA 3:5

Hunai deaungkho y kham pajau y nai kha y ly parawi nai keung my nangchi ai parawi vui lawh iy, achi i sa akawm nai ly jawm jawm sum lawh na, nanai nangchi i ym nai sai kapany thai ai nai kang pato nai ne.

I THESALONIKA 5:8

Na i py achi ly kanithun i khumi ne nai deaungkho y ym naira hawi tamen naira khupui ly adang iy paheng naira nga ai nai athang khai naira ly lukym y teaung iy, atyp u sina.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

I TIMOTHEI 1:12

Kai ai ham hai nai keung Krista Isu, achi i Areng teng y ly kawn nai leu kathui pi;

I TIMOTHEI 2:7

huni molam y ly kai ai aeu hai nai keung hawi amtaw thau nai keung, ym naira y hawi leu meitang naira y Cheng Takhrachi ai patiu nai keung y ang khai rym nai ne (kai ly leu meitang thui nai ne, ka-chawi ny y leang).

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

HEBRAI 6:19

Achi ly huni athang khai naira ai ly phailo i cheuha kakhaw hawi ka-ym awm nai nga bo; huni ly kanih jang nai theung y khrairei kun nai ne.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.