KOLOSA 1:2 - Khumi Common Language Bible

² Timothei achi i amjo amnau py, Kolosa avang i Krista y khumi kachaichi hawi, amjo amnau ka-ym awm naichi teng y ly: Tameuh achi i ampo teng i dengdairei pahenra hawi awmnem naira ly nangchi teng y awm sy.

KOLOSA 1:2 ပူးပေါင်းရင်းမြစ်များ

SAM 16:3

Areng ai ka-ym awm nai khumi ly khri pa-rei hawi parai na lawh ly! Kai i ngai keh nai ly huni khumichi hawi vanrei awm ai nga nai ne.

AMTAW 9:13

Naibaly Anania my ly, “Areng, huni khumi ly Jerusalem i nang i khumi kachaichi i tlang tleaung y ana nai nawi nai sai ly khumi neangneangchi i labeaung y kathai bo;

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 4:17

Hunai deaungkho y Timothei, Areng y kai i chanau ngai parai nai hawi ka-ym awm nai ai ly nangchi teng y kang pato nai ne; ni ly Krista y kai i awm nai reita, meingtym bawibawi palau takhra kamkawm tleirei y kapatiu reng nai kamta ly nangchi ai ang pany hai bi ai mang.

KALATIA 1:3

Ampo Tameuh hawi achi i Areng Isu Krista teng i dengdairei pahenra hawi awmnem naira ly nangchi teng y awm sy;

KALATIA 3:9

Hunaibaly ym naira y awm naichi ly ka-ym awm nai Abraham hawi amtheaung hai naira y ly awm teang nai ne.

EPHESI 1:1

Pawla, Tameuh i kangai y Krista Isu i amtaw thau nai my ly: Khumi kachai Ephesi avang y awm nai Krista Isu y ka-ym awm naichi teng y ly:

EPHESI 6:21

Na i py nangchi py kai ly mana awm mo, nanai kai i satang pany u thai ai nai, Areng y amjo amnau ngai parai nai hawi, kalop sa nai keung ka-ym awm parai nai Tukika my ly, nangchi ai ly ati cheaungkhang ang pany hai ai mang;

PHILIPI 1:1

Pawla nini Timothei Krista Isu i miseaung nini my ly, Krista Isu y khumi kachai Philipi avang i awm nai bawibawichi teng y hawi, palau takhra kamkawm peang naichi hawi, dikonchi teng y py pa nai:

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

II PETERA 1:2

Tameuh hawi Isu achi i Areng ai pany naira y ly nangchi teng y pahenra hawi awmnem naira py peung hai dudu sy.

JUDA 1:2

Pahen naira hawi, awmnem naira hawi, tamen naira py nangchi teng y peung dudu sy.

AMTENG HAI NAI 1:4

Johan my ly Asia pri i palau takhra kamkawm saryhreichi teng y ly: Vai awm nai hawi, jangni i dengdairei awm nai hawi, vai momang y awm ai nai keung teng i dengdairei hawi, mymy i areng atehra mo y awm nai Phailo saryhreichi teng i dengdairei hawi,