KOLOSA 1:18 - Khumi Common Language Bible

¹⁸ naibaly mymy ly ati cheaungkhangra y salo keh lawn thai ai nai, mymy ly pakeung, kadeichi theung i dengdairei tapen manme nai ne.

KOLOSA 1:18 ပူးပေါင်းရင်းမြစ်များ

SAM 89:27

Kai ly ni ai kai i chapo chalu kapalawn ai; phum-ang len keh nai samrang lawm hai ai.

Solomon i khulym 5:10

Kai i khrei nai keung ly mo-cha hawi iy atho py awm; khumi leaung meaung kateaungreichi theung y, ni ka-tawm leaungrei awm khyh.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

MATTHAI 23:8

Na i py nangchi ly ‘Rabbi’ ang palau nai amteng u moh; nangchi ai patiu nai keung ly leaungrei awm khyh, naibaly nangchi bawibawi ly amjo amnau ne.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

JOHAN 1:16

Mymy i angym naira ly achi ly nga bawibawi i, pahen nai tleaung y pahenra nga pateang bi bo.

JOHAN 1:27

ni ly kai bo y tym nai keung ne, kai ly ni i phainai vui su ai nai py ataing y leang,” nanai pathang.

AMTAW 26:23

huna nai Krista ly ngari patang ai nai tla i, kadeichi theung i dengdairei angthau bi nai deaungkho y khumi bawibawi teng y hawi, Cheng Takhrachi teng y py kangvang niu hai man nai keung ne ai, nanai leu ly,” napi.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

I KORINTH 11:3

Na i py neampacho leaung leaungrei i lu ly Krista ne, neampachy i lu ly neampacho ne, Krista i lu ly Tameuh ne, nanai ly nangchi pany ai nai kangai.

I KORINTH 12:27

Hunaibaly nangchi ly Krista i tlang ne i, huni i kangpreichi ne bawibawi teang.

I KORINTH 15:25

ati mana nai mo nabaly mymy ly mymy i paleung ka-e bawibawichi ai mymy i kheu anui y khai y ryrei ly, ni ly peang ai nai tla yb nai ne.

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.

EPHESI 5:23

Krista mymy kypkyp ly tlang ai paheng keung ne iy, palau takhra kamkawm i lu ne nai kamta ly,. juvo ly aju i lu ne.

KOLOSA 1:24

Kai ly vai nangchi i vui y kang patang pi naira y ly kakawn, Krista i ngari patang nai kamthom ly mymy i tlang deaungkho y kai i ngan y ly kapatawm veangveang nai ne;

KOLOSA 2:19

huni Lu i saho y ly tlang bom verei ly lenglawchi hawi kananchi deaungkho y pacho nai amtawm achu nai awm iy, Tameuh i veang naira y veang lawh veng.

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 1:8

Vai awm nai hawi, jangni i dengdairei awm nai hawi, vai momang y awm ai nai Atiti py Sa Thai Nai Keung Areng Tameuh my ly, “Alpha hawi Omeka kai ne,” napi.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:13

Alpha hawi Omeka, kangman keh nai hawi kangkhym keh nai, pekeung hawi katem kai ne.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he: