KOLOSA 1:17 - Khumi Common Language Bible

¹⁷ Naibaly mymy ly ati cheaungkhang by y rai khala y awm angchi yb nai ne i, mymy y ly ati cheaungkhang awm nai ne. Ni ly tlang i lu; huni ly palau takhra kamkawm ne:

KOLOSA 1:17 ပူးပေါင်းရင်းမြစ်များ

SAM 75:3

Khaileaung hawi vanrei heng nai amjy cheaungkhangchi ly anghyn teu i py, kai ly khaileaung i sangum langdengchi ai khaw hai jo ai.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

JOHAN 17:5

Aw Ngaai, khaileaung pri by y rai khala y kai ly nang khi y nang parai naira kanga nai hawi ly vai ly kai ai palo.

JOHAN 8:58

Isu my nichi teng y, “Meitang khypkhyp kang thui pi, Abraham by y rai khala y py kai ly awm nai bo,” napi.

AMTAW 17:28

mymy deaungkho y achi heng py heng, angto py angto, awm py awm nai teu; nangmychi i khulym paseang kakawp amichi mo py, ‘Kaichi py mymy i kangpreang ne teang, nanai thui nai kamta ly.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

KOLOSA 1:15

Mymy ly niu thai y nai Tameuh kamta atawm khyp nai, atiti sa nai bawibawichi tleaung y tapen manme nai ne;

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 13:8

Isu Krista ly jangdyh py, vaini py, deungtasa khrairei py huna jojo.

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,

AMTENG HAI NAI 1:8

Vai awm nai hawi, jangni i dengdairei awm nai hawi, vai momang y awm ai nai Atiti py Sa Thai Nai Keung Areng Tameuh my ly, “Alpha hawi Omeka kai ne,” napi.

AMTENG HAI NAI 2:8

“Naibaly Sumurna avang palau takhra kamkawm i kani pri i amtaw thau nai teng y hinai kamta tajiu: “Kangman keh nai hawi kangkhym keh nai, dei iy heng ali teang nai keung i leu thui nai ly hini ne he;

1 SAMUELA 2:8

Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.