KOLOSA 1:16 - Khumi Common Language Bible

¹⁶ mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

KOLOSA 1:16 ပူးပေါင်းရင်းမြစ်များ

1 NENG SATANG 29:11

Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

ISAIA 43:21

Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

JOHAN 1:10

Ni ly khaileaung pri y awm i, khaileaung pri ly mymy i sa nai ne, na i py khaileaung pri ly mymy ai pany y.

JOHAN 1:3

Ati cheaungkhang bawibawi ai ly mymy i saho y sa nai ne: naibaly atiti sa nai bawibawi ai ly mymy ny y naimy sa nai ha py by y.

ROM AVANGCHI TENG Y PAWLA I CHA PA NAI 11:36

Mymy teng i dengdairei hawi, mymy deaungkho y hawi, mymy i vui py atiti bawibawi awm nai ne. Mymy teng y ly deungtasa khrairei palo naira awm jojo sy. Amen.

ROM AVANGCHI TENG Y PAWLA I CHA PA NAI 8:38

Dei nairachi, heng nairachi, kani pri i amtaw thau naichi, areng nairachi, atiti awm angchichi,

ROM AVANGCHI TENG Y PAWLA I CHA PA NAI 9:5

amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly atiti bawibawichi i tlang tleaung y peang nai ne i, deungtasarei palo ai ataing nai Tameuh ne. Amen.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.

EPHESI 6:12

Ati mana nai mo nabaly achi i ani nai ly thi hawi ngan hawi ny y leang, na i py areng naira hawi, aly peang naira hawi, hini veng nai tleaung y khaileaung pri peang nai keungchi hawi, kani laileaung y awm nai vawinamchi hawi ani nai teu.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.

PHILIPI 2:10

Ampo Tameuh ai palo ai nai Isu Krista ly Areng ne, nanai palai cheaungkhang my amthang hai ai nai py,

KOLOSA 1:15

Mymy ly niu thai y nai Tameuh kamta atawm khyp nai, atiti sa nai bawibawichi tleaung y tapen manme nai ne;

KOLOSA 1:20

mymy y ly ati cheaungkhang amy hawi aly hai nai ly Ampo i paleung ngai nai tatang ne; mymy kypkyp y ly khaileaung pri y atiti awm naichi ai hawi, kani mang y atiti awm naichi ai py aly hai nai ly.

KOLOSA 2:10

Nangchi ly mymy y ly angym teang; ni ly areng naira hawi aly peang naira bawibawi i lu ne.

KOLOSA 2:15

naibaly mymy ly areng nairachi hawi aly peang nairachi ai ly leng iy kamtawi y my hunichi ai amteng hai nai teaung nai, kraws y ly hunichi ai pajau bo.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 2:10

Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.