KOLOSA 1:12 - Khumi Common Language Bible

¹² Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

KOLOSA 1:12 ပူးပေါင်းရင်းမြစ်များ

1 ARENG KEH 6:7

Achura yhm sa naira y teaung nai lengseaungchi ly lengseaung angawmra y si yb iy syn nai deaungkho y, Achura Yhm sa nai thym khala y saki, atiu napi nai tamo ateaungchi hawi atum nai katynchi ly thai y leang bo.

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

SAM 116:7

Aw kai i paleung awi, Areng ai ym kalingie ba; ati mana nai mo nabaly mymy ly kai ai pahen nai keung ne.

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

SAM 79:13

Huna nai khala y beram kanghu napi nai nang i khumi kaichi ly kawn naimy avawrei kang palo jojo ai; katu chanau deungrei kang palo u jojo ai.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

LEU KACHENG 16:1

Khumi ly amy i paleung y dawn tau naichi sa pajau; na i py kangkhym y ly Tameuh i kangai naini lawm ai nai tla.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

DANIELA 2:23

Kai i amsi pajochi my chiu nai Tameuh, Nang ly kai ai cheng naira hawi sa thai naira pei iy, kai i hnei nai kamta, samrang i amang pany hai pi nai y, kawn nai leu kang thui,” napi.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 4:23

Na i py neng tym dudu bo, vai py tym ryp bo, huna nai khala y ly Tameuh ai chiu tatang naichi ly phailo hawi meitang khyp naimy Ampo ai chiu ai: Tameuh ly mymy ai chiu ai nai huna naichi ai ly hau mang.

AMTAW 20:32

“Vai ly Tameuh hawi mymy i pahengra leu y kang au hai bo, huni ly nangchi ai ang veang hai pajau i, khai takhra naichi theung y ly kamtym ang nga hai teang mang.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 11:17

Na i py changpi phyreichi ai ly tleu hai iy, nang, olive karam ne i nichi theung y patawm iy, olive keung i tangjyn tuihau ahum teang chum nai ne baly, changpi takhrachi teng y ly amlyh reng moh;

ROM AVANGCHI TENG Y PAWLA I CHA PA NAI 15:27

Ne, nichi ly paleung hawi parai naimy sa u nai bo, nichi ly hunichi ai kalai pe ai nai awm. Cheng Takhrachi ly nichi i phailo mang i atitichi ahum u makho baly, khaileaung pri mang i atitichi my nichi ai sabawm teang ai nai aeang nai ne.

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

ROM AVANGCHI TENG Y PAWLA I CHA PA NAI 9:23

kado theu naira laawm, tama ai ataing naichi i tlang tleaung y ly amnym tanga iy, mymy i kado theu nai hawi mymy i atiti sa thai naira amteng hai ai nai ngai teu iy py, mana sa ai mo?

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

I KORINTH 9:23

Satang Kahawi phy kanga hawi teang thai ai nai huni Satang deaungkho y ati cheaungkhang kasa.

II KORINTH 11:14

Huni ly rengrang tlai nai ny y leang; Setan malawn py kangvang i amtaw thau nai amlawn amang reng.

II KORINTH 5:5

Naibaly huni i vui kypkyp y kaichi ai ang sa pi rym nai keung ly Tameuh ne, mymy ly kaichi ai Phailo ang pei yb nai ne.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 2:18

Achi ly mymy i saho y Phailo vanrei y Ampo teng y kun thai ai naira nga mei nai ne.

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

EPHESI 4:6

ati cheaungkhang i Tameuh hawi Ampo harei awm khyh; mymy ly ati cheaungkhang tleaung y py peang i, ati cheaungkhang num prei nai py awm, ati cheaungkhang theung y py awm teang.

EPHESI 5:11

Naibaly kaveng i ti ti sa nai athai awm vai y naichi ai ly den py abawi u moh ly, huni tleaung y ly mymychi ai phai parip;

EPHESI 5:20

achi i Areng Isu Krista i amyn y Tameuh, Ampo kypkyp teng y ly ati cheaungkhangra y kawn nai leu thui u jojo.

EPHESI 5:4

taheaung thui nai hawi, thui atyhtyh nai hawi, krawp nai py; hunichi ly apu y nai ne; hunichi thui nai tleaung y ly kawn nai leu phai thui u.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

KOLOSA 3:15

Naibaly Krista i awmnem naira my ly nangchi i paleung ai peang sy, hunai kamta lawn ai nai nangchi ai ly tlang bomrei y ang palau nai chy bo; naibaly kawn u.

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 12:23

chanau chalau kani mang y amyn atheung nai palau takhra kamkawm teng y hawi, khumi bawibawichi ai tara chih nai keung Tameuh teng y hawi, angym hai chum nai khumi kahawichi i phailo teng y hawi,

HEBRAI 3:1

Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

JAKOB 3:9

Achi ly huni hawi Areng, Ngaai ai ly palo, huni hawi teang Tameuh ka-tawm sa nai khumi ai ly pasawi teang bi: labeaung harei naira i nai palo nai hawi amsawi py theu lawh bi.

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne:

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.