Kati Nai 7:10 - Khumi Common Language Bible

¹⁰ Israela lu sa naichi ly maicham khai takhra naira y py, katalamrachi syn u nai ne. Nichi ly maichamra y talam nai vawnsaichi talam ai nai angveirym nai khala,

Kati Nai 7:10 ပူးပေါင်းရင်းမြစ်များ

1 ARENG KEH 8:63

Samrang ly si 22,000 rei hawi beram 120,000 reichi ai amkawm nai kapathypra talam bo. Hunai kamta samrang hawi mipui bawibawichi ly Achura Yhm khai takhra nai ne.

2 NENG SATANG 7:5

Samrang ly si 22,000 rei hawi, beram 120,000 reichi ai amkawm nai kapathypra palawn iy talam. Hina nai kamta samrang hawi mipui bawibawichi ly Areng ai chiu nai Achura yhm khai takhra nai ne.

2 NENG SATANG 7:9

Taichy pawi kani saryhrei sa u chum baly, achu pui sa u. Maicham ai khai takhra nai kani saryhrei, pawi sa nai py kani saryhrei ne.

NEHEMIA 12:27

Jerusalem mary apai khai takhra nai khala y, Levi theaungchi ly amo theu parai naimy kawn nai leu thui nai khulymchi thui iy, sa-ra hawi tarochi beu naimy abawi u ai nai, nichi awm nai meingtymchira i dengdairei hawi u bo.

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

SAM 30:1

Aw Areng, kai ai atleu nai deaungkho y py, kai i patang nai molam y paleung ka-echi my paleung ateng hai ai nai pei y nai deaungkho y py, nang ai kai ly kang palo nai ne.

Kati Nai 7:1

Mosi ly Tabynako sa pajau nai kani y, Tabynako i vui ateaung alangchi ai py, maicham i vui ateaung alangchi ai py, tahm palyn nai asitui leih iy Areng teng y talam bo.

Kati Nai 7:11

Areng my Mosi teng y, “Maicham ai khai takhra nai i vui y lu sa nai leaung holai nyhreichi ly leaungrei y kani kanirei amymychi i katalamra vawnchi talam hai ai nai tla,” napi.

Kati Nai 7:84

Maicham khai takhra naira y Israela lu sa nai leaung holai nyhreichi my syn nai katalamra vawnsaichi ly hinichi ne. - Kaji bawibawi sie vui tariu saryh tajarei awm nai tangka khau holai nyhrei hawi tangka rahum holai nyhrei - Rimui mui katui kawityh nai kaji bawibawi sie palyhrei awm nai muku samtang holai nyhrei - Leng patlum nai kapathypra i vui y si katai holai nyhrei, beram katai holai nyhrei, sanengrei awm khyh nai beram cho holai nyhrei hawi, hunichi i vui teicha teinei katalamrachi - Kamngo pahen nai kapathypra i vui y mi-i holai nyhrei - Leunghawi katalamra i vui y si katai apom phai palyhrei, beram katai vui tariurei, mi-i vui tariurei, sanengrei awm khyh nai beram cho vui tariureichi ne.

Leu Thui Nai 20:5

“Naibaly tavailuchi my khumichi teng y, ‘Nangchi theung y yhm kangtha sa iy Tameuh teng y au y rai nai khumi awm a? Awm baly huni khumi ly yhm y vawi teang sy, ti y naimy ni ly tavai keung y dei vui baly, takhra khumi leaungrei my ni i yhm ai Tameuh teng y au ai nai tla lawh ai.