Kati Nai 5:9 - Khumi Common Language Bible

⁹ Pathyp pi nai keung dengdairei Israela chengchi my Areng teng y talam patyp nai katalamra ngiereichi ly pathyp pi nai keung i vui ne.

Kati Nai 5:9 ပူးပေါင်းရင်းမြစ်များ

THEU NAI 29:28

Kai i khumichi ly leunghawi kapathyprachi talam nai khala, tawnbawi amsei hawi phai ly pathyp pi nai keungchi i vui mawi phy ne, nanai reita leu ai teaung patawm jo ai nai tla. Hini ly khumichi my kai Areng ai talam nai kapathypra ne.

Levi 10:13

Huni tako ly meingtym kachaira y cha ai nai tla. Huni tako ly Areng teng y talam nai katalamra theung i, nang hawi nang i chapochi i vui phy ne. Huni ly Areng my kai teng y ang pei nai reita ne.

Levi 10:14

Na i py nang hawi nang i dengtheungchi ly pathyp pi nai keungchi i vui Areng teng y talam patyp nai amsei hawi phaichi ai reita y meingtym kachai ra y cha ai nai tla. Hini phychi ly Israela chengchi i leunghawi katalamrachi theung i, nang hawi nang i chapochi ai vui nai mawi phy ne.

Levi 10:15

Nichi ly Areng teng y tawnbawi thau talam nai khala, amsei hawi phaichi syn u ai nai tla. Areng my leu pei nai kamta, hini tawnbawi phy ly nang hawi nang i chapo chanauchi i vui ne,” napi.

Levi 6:26

Huni tawnbawi ai pathyp pi nai keung ly Areng i awmra Tabynako angtheung i, meingtym kachaira y tawnbawi mawi cha ai nai tla.

Levi 7:32

Leunghawi talam nai tawnbawi i thi hawi thau

Levi 7:34

Tawnbawi amsei hawi lamtang phai ly Areng my Israela khumichi teng i, pathyp pi nai keungchi i vui, langseaung vui pi patyp nai ne. Israela khumichi ly huni phy ai pathyp pi nai keungchi teng y talam pi jojo ai nai tla.

Kati Nai 18:19

“Israela chengchi my kai teng y talam patyp nai ngiereichi ly, nang hawi nang i katu chanauchi ai kaimy pei nai ne. Hini Leu Maikawm ly kai hawi nang i kangpreangchi hawi asa nai, deungtasarei khaw jojo nai Leu Maikawm ne,” napi.

Kati Nai 31:41

Hunai deaungkho y Areng my leu pei nai kamta, Mosi ly Areng teng y talam ai nai khai patyp nai phy ai ly Mosi my Eleaza teng y au pi nai ne.

Kati Nai 5:8

Na i py ka-peh tangka nga ai nai khumi ly dei veng iy amjo amnau py by y lawh baly, huni tangka ai pathyp pi nai keung i vui Areng teng y talam ai nai tla. Sa tamang nai keung ly peh nai bo y, kachai sa ai nai i vui y beram katai harei py pei bi ai nai tla.

Leu Thui Nai 12:26

Nangchi i kapathypra hawi talam ai nai adeu nai langseaungchi ly Areng ai chiu nai meingtym harei khyh naira y syn u ai nai tla.