Kati Nai 5:7 - Khumi Common Language Bible

⁷ huni khumi ly amy i kamngo ahui iy mymy tamang nai khumi ai peh angym nai bo y, chungphy apomrei peh panawi bi ai nai tla.

Kati Nai 5:7 ပူးပေါင်းရင်းမြစ်များ

SAM 32:5

Huna nai khala y kai ly kaimy i kamngochi ai, nangmy teng y pany hai bo. Kai i sa tamang naichi ai nang teng y apha y leang bo. Hunichi ai nang teng y ahui ai nai, kai i paleung y dawn yb veng bo. Nang ly kai i sa tamang nai ngiereichi, kamngo palawi pi bo.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

Levi 26:40

“Na i py nangchi i kangpreangchi ly nichi i kamngo hawi amsichi i kamngochi ahui u ai. Nichi i amsi pajochi ly kai ai ka-awi sa iy tiu u i,

Levi 26:41

kai ly kado theu nai deaungkho y, mychi i paleung ka-echi pri mang y, pri kapala nai ne. Kangkhym y nichi i kangpreangchi ly paleung tang nai nau vui iy mymychi i kamngo hawi tiu nai molam y pajeng naira avum chum nai khala,

Levi 5:15

Ami mo ly Areng i vui y kachai khai patyp naichi ai athang khai y naimy sa tamang lawh baly, ni ly Areng teng y no-na by y nai beram katai, ti y baly mi-i katai syn ai tla. Huni beram, ti y baly mi-i i vang apani nai tangka py syn ai nai tla.

Levi 5:16

Ni ly chai naira ai kachai so teang y nai molam tangka hawi peh ai nai ly chungphy apomrei tleang panawi bi iy, pathyp pi nai keung teng y talam ai nai tla. Naibaly pathyp pi nai keung my huni khumi i kamngo molam y beram katai, ti y baly mi-i katai hawi pathyp pi nai deaungkho y, ni ly kamngo pahen naira nga ai.

Levi 5:5

Khumi leaungrei ly kamngo sa baly, tamang bo nanai apany ai nai tla.

Levi 7:7

Kamngo pahen nai katalamra hawi, kamngo pajengra lawi hai nai katalamra, hini amjy nyhrei i vui reita khai pi naira y, talam nai pathyp pi nai keung ly tawnbawi mawi cha ai nga nai ne.

Kati Nai 5:8

Na i py ka-peh tangka nga ai nai khumi ly dei veng iy amjo amnau py by y lawh baly, huni tangka ai pathyp pi nai keung i vui Areng teng y talam ai nai tla. Sa tamang nai keung ly peh nai bo y, kachai sa ai nai i vui y beram katai harei py pei bi ai nai tla.

LUKA 19:8

Naibaly Zakai ly angdo i Areng teng y, “Khen cham Areng, kai i yhmtheaung ka-hyhrei kamawnchi teng y kapei ai; naibaly ami teng i py atiti um paviu teu i py pyh palyhrei kaheung teang ai,” napi.

JOSUA 7:19

Josua my ni teng y, “Deang awi, Israela chengchi i Areng Tameuh i mo y meitang khyp thui ba. Nang i sa nai saichi apha y naimy kai teng y thui pi ba,” napi.