Kati Nai 32:3 - Khumi Common Language Bible

^3-4 “Areng my sabawm nai deaungkho y Israela chengchi my peang vui nai Ataroth mary, Dibon mary, Jaze mary, Nimrah mary, Hesabon mary, Elealeh mary, Sibmah mary, Nibo mary hawi Beon mary meingtymchi ly sui tlaira meingtym kahawichi ne. Kaichi ly tawnbawi kanghu neangneang awm.

Kati Nai 32:3 ပူးပေါင်းရင်းမြစ်များ

NEHEMIA 9:22

“Nang ly nichi ai mymychi i khujyhra y awm nai prichi hawi, khumichi ai eaung ai nai pei bo. Nichi ly samrang Sihon my peang nai Hesabon pri py, samrang Oka my peang nai Bashan pri py peang u bo.

ISAIA 15:6

Nimarim tavo micheaung ly tui kang pawn nai y, tavo micheaung peang i awm nai achachi py jei pawn i, suino naira ati sai py by y leang bo.

JEREMIA 48:1

Moba pri molam y ati cheaungkhang sa thai nai keung Areng i leu pei nai ly hina nai ne: Nebo mary i khumichi ai palau u; nichi i mary ly phra veng bo! Kiriathaim mary ai ly tiu iy la vui bo i, huni mary i amtangrachi ly taphra vui nai y, mary i khumichi ly kangji nga u nai ne.

JEREMIA 48:2

Moba pri i phum-ang ly tama veng bo. Paleung ka-echi ly Hesabon mary peang vui iy, Moba pri ai tamyh vui ai nai tau u nai ne. Madmanah mary ly tyn kryh y naimy awm ai. Tavaimi risachi ly huni mary y tavai tiu u ai.

JEREMIA 48:32

Jaza mary i khumichi i vui vo hai nai tleaung y, Sibmah mary i khumichi i vui y kai ly kavo ai. Aw Sibmah mary, nang ly pangli kadei ai katlen prei iy, Jaza mary y tym pa-rei amjang nanai kreip keung hawi atawm. Na i py vai, nang i nisa thengthai athaichi hawi, kreip keungchi ly phra be veng bo.

JEREMIA 48:34

“Hesabon mary hawi Elealeh maryra i khumichi vo nai raawi ly Jaha mary y tym pa-rei thai u nai ne. Huni raawi ly Zorath mary, Horonam mary hawi Ekala mary i dengdairei py thai pajau. Nimarim micheaung tui py kang veng bo.

JEREMIA 48:45

Jeaungmang iy patang naira avum nai khumichi ly Hesabon mary y abyh ai nai hau u nai ne. Na i py, vaichi khala Sihon samrang my peang nai Hesabon mary ly mai angveaung pun veng bo. Mai ly tavai atiu ham parai nai Moba khumichi i khuteng meingtymchi hawi mawi ka-sangchi ai kang nai ne.

Ezekiela 25:9

kai ly huni pri i apu parai nai Beth Jeshimoth mary, Bala Meon mary, Kiriatham marychi raurei, khujyhra i amtangra marychi py paleung ka-echi ai tiu hai ai.

Kati Nai 21:28

Vaichi khala samrang Sihon i tavai kamkawm ly Hesabon mary i dengdairei theu nai mai kadeu kamta tavai thau nai, Moba pri Ara mary ai taphra vui iy, Arnon Tavo leng mang i mawichi kang hai bo.

Kati Nai 21:30

Hunai deaungkho y nichi i kangpreangchi ly Hesabon mary i dengdairei Dibon mary tym pa-rei py, Nashim mary i dengdairei Medeba mary sahawi i Nopha mary tym pa-rei py taphra chauchau bo,” nanai khulym thui u.

Kati Nai 21:32

Mosi ly Jaze mary ai tiu y rai khala khumi pato iy, tiu ai nai sai khen paviu hai bo; Israela chengchi ly huni mary hawi vanrei tengpang sahawi i marychi ai tiu pajau nai deaungkho y, Amori chengchi ly huni mary i dengdairei preang u pawn bo.

Kati Nai 32:1

Ruben theaung hawi Kad theaung ly tawnbawi khri pa-rei nawi nai ne. Jaze pri hawi Kilead pri y sui tlaira meingtym kahawichi awm nai pany nai khala,

Kati Nai 32:2

nichi ly Mosi, Eleaza hawi khumi mipuichi ai lu sa nai keungchi teng y chei u iy,

JOSUA 13:17

Hesabon mary hawi mawi ka-sang salo y awm nai marychi napi nai Dibon mary, Bamoth Bala mary, Beth Balameon mary,

JOSUA 13:19

Kiriathaim mary, Chibama mary, leaunghawi mawi aheung salo y awm nai Zereth-shaha mary,

JOSUA 21:39

Hesabon mary hawi Jaza marychi ne.

TARA CHIH NAI KEUNGCHI 11:26

Israela chengchi ly Hesabon mary hawi Aroe mary ai py, huni mary tengpang sahawi i marychi hawi, Arnon tavo peang y awm nai mary ngiereichi ai py, saneng chungvai thomrei peang nai thym khala, nang ly ati mana nai, huni marychi ai lo teang y lawh mo?