Naibaly samrang my, “Areng ly mymy i Leu Maikawm Pawm angjeaung ai nai hawi, mymy i kalop sa jojo ai nai Levi theaungchi ai naini khai takhra nai ne i, nichi naini Leu Maikawm Pawm angjeaung ai nai tla,” napi.
Nichi sa ai nai kalopchi ly Achura yhm theung y chiu sa nai khala, Aron i kangpreang pathyp pi nai keungchi ai sabawm ai nai, Achura yhm apai theung y hawi takunchi kry ai nai, tahm pateng nai atitichi ai kachai khai ai nai kalopchi ne.
Nichi ly Areng i awm naira Taichy hawi Achura yhm kry ai nai py, mymychi i amjo amnau Aron i kangpreang pathyp pi nai keungchi ai, Achura yhm theung y chiu sa naira y sabawm ai nai py sa ai tla nai ne.
Hini kalop ra y abawi nai khumichi i dengtheungchi ly anui mang ichi ne. Kohath nupaira i Joela i chapo Heman ly angchei i khulym kamkawm ai lu sa nai ne. Heman, Joela, Samuela,
Deangchi awi, neng patyh hai atyhtyh moh; Areng teng y mui katui leng patlum ai nai hawi, mymy ai chiu naira y lu sa ai nai mymy i vawi takhra nai khumi ly nangchi naini ne,” napi.
Nichi ly Mosi i reita cha-iu theung y leu pei nai kamta, Jerusalem mary Achura yhm i kalop sa ai nai vui y, pathyp pi nai keungchi hawi Levi theaungchi ai ka-thui ka-thui kalop paji pi bo.
Huna nai khala kai ly Levi khumichi hawi Leu Maikawm asa nai khaw hai ai ngai nai deaungkho y, hini reita leu nangchi teng y pei nai ne, nanai nangchi pany u ai.
Areng my, “Israela chengchi my kai teng y talam nai horei y harei katalamra bawibawichi ly Levi theaungchi teng y kai i awmra Tabynako kry pi nai vang ne.
Naibaly mo mang i tavai kamkawm nyhrei hawi nithun mang i tavai kamkawm nyhrei amsa nai sala y, Levi theaungchi ly Tabynako angjeaung iy tako u ai nai tla. Tavai kamkawm ha harei ly tai nai khala, tamkhawn anui y meingtym la nai ka-thui ka-thui amsa ai na tla.
Mawisalo y Areng ly Levi theaungchi teng y Leu Maikawm Pawm kry ai nai py, pathyp pi nai keung kalop sa ai nai py, mymy i amyn y amtheaung hai nai kalop py au nai ne. Nichi ly vaini khrairei huni kalopchi sa u bo.