Kati Nai 19:3 - Khumi Common Language Bible

³ nini ly pathyp pi nai keung Eleaza teng y pei pi ai nai tla. Huni si nu ai tai angam mang y pahawi iy, pathyp pi nai keung i mo y tleh ai nai tla.

Kati Nai 19:3 ပူးပေါင်းရင်းမြစ်များ

Levi 16:27

Kamngo pahen nai katalamra tawnbawi si katai hawi mi-i katai ai ly Chai Keh nai Meingtym y syn chum baly, tawnbawi ngan, peih hawi takuta bawibawichi ai tai naira angam mang y tawn iy mai y patawi vui ai nai tla.

Levi 24:14

“Huni khumi ai tai angam mang y patheu; ni i pasawi nai ai thai nai khumi lutengchi ly ni i lu tleaung y kiu kheang u iy, kaichi thai, nanai pany hai ai nai tla. Naibaly Israela cheng bawibawichi my, ni ai lengseaung hawi aphi ka ai nai tla.

Levi 4:11

Naibaly si peih, nganbawi ngierei, lu, kheuchi, takuta hawi vanrei tivichi ai ly

Levi 4:12

Tai naira angam mang y syn iy maidym adi nai meingtym kachaira, mai y leng vui ai nai tla.

Levi 4:21

Naibaly ni ly my i kamngo molam y talam nai si ai, tai naira angam mang y mai patawi nai kamta, huni si ai py hunira y mai patawi ai nai tla. Hini apathyp nai reita ly cheng vui jeungrei kamngo lawi naira nga hai ai nai sa nai ne.

Kati Nai 15:36

Hunaibaly Israela cheng bawibawichi ly Areng i leu pei nai kamta, huni khumi ai tai naira angam mang y patheu iy, lengseaung hawi aphi u ka bo.

Kati Nai 19:9

Naibaly reita y chai nai khumi leaungrei my si nu i maidym la iy, tai naira angam mang i reita leaungsai y chai nai meingtym y khai ai nai tla. Israela chengchi ly reita y chai y nai i vui chai ai nai tui hawi kachai sa naira y huni maidym teaung ai nai tla. Hini reita ly kamngo chai hai ai nai sa nai reita ne.

Kati Nai 3:4

na i py Nadab hawi Abihu nini ly Sinai daichi ka-vym y Areng teng y talam ngau y nai leng patlum nai kapathypra talam lawh nai deaungkho y, padei vui bo. Nini ly cho chanau so y. Eleaza hawi Ithama nini ly Aron heng nai thym y pathyp pi nai keung kalop sa hawi nai ne.

Kati Nai 5:2

“Israela chengchi theung y ka-jei awm nai nganpeih no man nai, ti y baly ang vawi hawi y nai man nai, khumi kadei ai abi nai deaungkho y chai y nai khumichi ai ly tai naira angam mang y patheu vui ai nai thui pi.