Kati Nai 18:2 - Khumi Common Language Bible

² Nang hawi nang i chapochi ly Tabynako i vui reitachi sa naira y, nang i amjo amnau Levi theaungchi my nangchi ai sabawm u na sy.

Kati Nai 18:2 ပူးပေါင်းရင်းမြစ်များ

ATITI AWM ANGCHEI NAI 29:34

Ni ly deaungdi aniu bi i chapo tapen bi. Mymy naimy, “Vai ly kai i juvo my kai ai hawihai ang khaw hai ai bo, mymy i vui chapo leaung thomrei katapen pi bo,” napi. Hunai deaungkho y amyn ly Levi, nanai amyn pathi bo.

2 NENG SATANG 30:16

Nichi ly Tameuh i khumi Mosi i Reita leu pei nai theung y thui pi nai kamta, Achura yhm theung y meingtym la u bo. Levi theaungchi my tawnbawichi i thi ly pathyp pi nai keungchi teng y talam pi iy, pathyp pi nai keungchi my huni thi ai maicham tleaung y katheng u nai ne.

Ezekiela 44:11

Nichi ly Achura yhm katheu pa-kho typ nai kalopchi, Achura yhm i atiti kalopchi napi nai, kai i kalopchi sa ai nai nga u nai ne. Nichi ly leng patlum nai katalamrachi hawi apathyp ai nai i vui y, khumichi my pei nai tawnbawichi tleh ai nai nga u; huni bo y py nichi ly atitichi sabawm ai nai Achura yhm y awm ai nai tla.

Ezekiela 44:15

Sa thai naira angym nai Areng my, “Na i py takhra Israela chengchi my kai ai nithun thun nai khala, Zadok i kangpreang Levi khumi pathyp pi nai keungchi ly Achura yhm y kai i kalop ai, ka-ym awm parai naimy sa u jojo nai ne. Hunai deaungkho y nichi ly vai, kai i kalop sa nai khumichi lawm u ai. Kai i mo y jeu iy tawnbawichi i thau hawi thi talam u ai.

MALAKHI 2:4

Huna nai khala kai ly Levi khumichi hawi Leu Maikawm asa nai khaw hai ai ngai nai deaungkho y, hini reita leu nangchi teng y pei nai ne, nanai nangchi pany u ai.

Kati Nai 1:53

Na i py khumi leaung leaungrei ly Tabynako sahawi y ahai lawh baly, kai ly kado theu ai i, cheng theaung verei kapajeng lawh ai; hunaibaly Levi theaungchi ly Tabynako typ ai nai, Tabynako ka-ki tai sa iy awm u ai nai tla,” napi.

Kati Nai 16:40

Aron i kangpreang ny y nai amimi py Areng teng y rimui mui katui leng patlum ai nai maicham mang y tapai ngau y, nanai kheupaja khym my Israela chengchi ai pany hai nai ne. Hini reita ai patawm y nai khumi ly korah hawi ni i nithun abang naichi kamta dei u teang ai. Eleaza ly Mosi dengdairei Areng my leu pei nai ngiereichi sa nai ne.

Kati Nai 17:7

Mosi my cheaungvawi bawibawichi ai Tabynako theung i Areng i Leu Maikawm Pawm mo y khai bo.

Kati Nai 18:4

Nichi ly nang hawi vanrei Tabynako i vui kalop sa ai nai tla. Levi theaung ny y baly takhra amimi py, nang hawi vanrei, Tabynakora i kalopchi so ngau y.

Kati Nai 3:5

Areng my Mosi teng y,

Kati Nai 4:15

Tai naira asyh ai nai neng tym baly Aron hawi ni i chapochi my ateaung alang kachai bawibawichi ai khiu chum nai khala naini, kohath i nupaichi ly jeu iy, huni ateaungchi angjeaung u ai nai tla. kohath nupaichi ly huni ateaung alangchi ai kiu hawi abi pajau y; abi lawh baly dei u ai. Tabynako asyh nai tleirei kohath i nupaichi ly huni kalopchi sa u ai nai tla.

Kati Nai 8:19

Israela chengchi teng i katalamra palawn iy, Aron hawi ni i chapochi teng y kaau bo. Nichi ly Israela chengchi i jeng y Tabynakora kalop sa u ai nai tla. Israela chengchi kachai sa nai meingtym sahawi tapai naimy pajengra tym y ai nai nichi my ama hai iy kry ai nai tla,” napi.

Kati Nai 8:22

Israela cheng bawibawichi ly Levi theaungchi i vui y Mosi teng y Areng my leu pei nai kamta, sa pi nai ne. Naibaly Levi theaungchi py Aron hawi ni i chapochi my lu sa nai anui y Tabynakora kalopchi sa u nai ne.

HEBRAI 9:6

Naibaly huni atitichi ai ly hunai kamta sa nai ne iy, pathyp pi nai keungchi my Tameuh ai chiu ai nai reita sa ai nai achura yhm angchei i naira y ly kun u jojo;