Kati Nai 17:3 - Khumi Common Language Bible

³ Levi theaung i cheaungvawira y ly Aron i amyn tajiu typ ai nai tla. Cheng theaung lu sa nai leaungrei y cheaungvawi ha harei awm bawibawi ai nai tla.

Kati Nai 17:3 ပူးပေါင်းရင်းမြစ်များ

THEU NAI 6:16

Levi i chapo leaung thomreichi ly Karashon, kohath hawi Merarichi ne, nichi ly mychi i amyn angam nai amsi pajochi i amynchi ne. Levi ly saneng chungvai atlo phai palyh saryhrei heng.

THEU NAI 6:20

Amram ly mymy ampo i tuicho Jokebedi ai pom i Mosi, Aron, ai sa. Amram ly saneng chungvai atlo phai palyh saryhrei heng.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

Ezekiela 37:16

Mymy ly “Nang khumicho awi, thengbeang harei lo ly hunira y ‘Juda pri hawi my i ahawi Israela pri i vui,’ nanai tajiu ba. Hunaibaly takhra thengbeang harei lo bi ly hunira y ‘Israela pri hawi my i ahawi Josepha i vui Ephraim thengbeang,’ nanai tajiu ba.

Kati Nai 17:2

“Israela theaung holai nyhreichi ai lu sa naichi teng i, leaungrei y cheaungvawi ha harei, cheaungvawi holai nyhrei ly, nang teng y jeu hai sy. Lu sa nai leaung leaungrei ly cheaungvawira y amy i amyn tajiu typ ai nai tla.

Kati Nai 17:4

Huni cheaungvawichi ai kai i awmra Tabynako mang y syn iy, nang ai kai ka-vum sa reng nai Leu Maikawm Pawm mo y khai.

Kati Nai 18:1

Areng my Aron teng y, “Nang hawi nang i chapochi py, Levi theaungchi py, kai i awmra Tabynako i vui reita sa naira y tamang lawh baly, nangchi ly pajeng naira avum u ai; na i py pathyp pi nai keung kalop sa naira y tamang lawh baly, nang hawi nang i chapochi naini pajeng naira avum u ai.

Kati Nai 18:7

Na i py nang hawi nang i chapochi naini maicham hawi chai keh nai meingtym i vui, pathyp pi nai keung i sa ai tla nai kalopchi sa ai nai ne. Khumi takhra nai ahai lawh baly, huni khumi ai ly padei ai nai tla. Kai ly nangchi ai pathyp pi nai keung y tahm kang pasang nai ne i, nangchi ly hini kalopchi sa u ai nai tla,” napi.

Kati Nai 26:10

Hunai deaungkho y nichi ai ly korah nithun abang naichi hawi vanrei, khaileaung my pajawn vui nai ne. Huni kani y my mai kangveaung tla hai i, khumi leaung 250 rei ai kang vui bo. Huni ly khumichi ai pany hai vau nai leaungsai ne.