Kati Nai 16:9 - Khumi Common Language Bible

⁹ Israela chengchi i Tameuh ly nangchi ai Areng teng y ahihawi ai nai, Areng i awmra Tabynako theung y kalop sa ai nai hawi, cheng verei i vui kalop sa pi ai nai vawi takhra bo. Hina nai sa ai nga nai ly rumrang kalop palawn lawh a?

Kati Nai 16:9 ပူးပေါင်းရင်းမြစ်များ

ISAIA 7:13

Huna nai khala Isaia my, “Aw samrang Davida i katu chanauchi awi, vai tangai ba. Nang ly khumi mipuichi ai niu ngai y ai nai pa-rei sa nai ly paleung anyp y i, Tameuh ai py niu ngai y ai nai pa-rei sa ai nai ngai lawh a?

Leu Thui Nai 10:8

Mawisalo y Areng ly Levi theaungchi teng y Leu Maikawm Pawm kry ai nai py, pathyp pi nai keung kalop sa ai nai py, mymy i amyn y amtheaung hai nai kalop py au nai ne. Nichi ly vaini khrairei huni kalopchi sa u bo.

NEHEMIA 12:44

Huni neng khala y saneng tleirei amti amjang athai chuluchi hawi, myn man nai thengthaichi horei y harei hawi, takhra talam nai vawnsaichi khaira takunchi kry nai keungchi ai vawi takhra bo. Hini khumichi ly Reita leu pei naira i pany hai nai kamta, pathyp pi nai keungchi hawi Levi theaungchi i vui katalamrachi ai mary katheang kalenchi sahawi i, li hlau tleirei y cheaung ai nai ka-vo sa u.

1 SAMUELA 18:23

Hunaibaly nichi ly samrang i taviu nai kamta, Davida teng y amti pi. Davida my, “Samrang i meaungcha lawm nai ly khri pa-rei tahm awm nai ne. Kai kamta ati sai py ny y nai khumi kamawn leaungrei i vui ly pipi ataing y nai ne,” napi.

Kati Nai 16:13

Nini my, “Nang ly kaichi ai teicha teinei awm nai Aikupta pri i dengdairei hini daichi ka-vym theung y padei be ai nai pahawi nai ly paleung anyp y rai a? Vai nang ly kaichi i tlang tleaung y areng amlawn ai nai ngai nai sai a?

Kati Nai 3:6

“Levi theaungchi ai palau iy pathyp pi nai keung Aron i anui y kalop so hai.

Kati Nai 1:53

Na i py khumi leaung leaungrei ly Tabynako sahawi y ahai lawh baly, kai ly kado theu ai i, cheng theaung verei kapajeng lawh ai; hunaibaly Levi theaungchi ly Tabynako typ ai nai, Tabynako ka-ki tai sa iy awm u ai nai tla,” napi.

Ezekiela 34:18

Nangchi phyrei ly hawi keh nai acha cha ai nai nga u i py paleung tuinem nai by y. Nangmychi cho y nai achachi ai kheu hawi chiu u lawh ly! Nangchi ly tui kamchyn nei iy, nangchi nei y nai tui ai ly panu pa-rei sa u lawh ly!

2 NENG SATANG 35:3

Israela chengchi ai atiti patiu pi nai, mymychi ai Areng teng aau yb nai Levi theaungchi teng y samrang my, “Davida i chapo samrang Solomon i sa nai Achura yhm theung y Leu Maikawm Pawm khai u. Nangchi ly huni Pawm ai meingtym kasyh piupa y naimy, nangchi i Areng Tameuh hawi mymy i khumichi i vui kalop so u.

2 SAMUELA 7:19

Salo kangteng aw Areng, nang ly kai ai jangni i tleaung y pahen na lawh ly. Mo mang i neng khala avum ai nai kai i katu chanauchi i vui leu adeu pi bo. Salo kangteng aw Areng, nang ly hini satang khumi leaungrei teng y pany hai lawh bo ly!

ATITI AWM ANGCHEI NAI 30:15

Leah my, “Nang ly kai i juvo ai nang my la vui nai ly paleung anyp y rai sai a? Vai py kai i chapo my syn pi nai Khuma athaichi paleungno bi lawh ly” napi. Rakeli my, “Nang i chapo my syn pi nai Khuma athaichi pei baly, nang vai dym Jakob hawi i ahawi teu,” napi.

I KORINTH 4:3

Na i py nangchi i kai ai chih nai mo, khumi i dawn naira my kai ai chih nai mo, huni ly kai i vui neangneang aly len y leang: ne, amy ai amy achih y leang.

AMTAW 13:2

Naibaly Areng i kalop sa nai hawi biu hai nai thym khala y Phailo Kachai my ly, “Barnaba hawi Sawla nini ai ly kai i khai rym nai atiti sa ai nai ly kai ai khai pi u takhra,” napi.

Kati Nai 3:9

Levi theaungchi i aly len keh nai kalop ly Aron hawi ni i chapochi i anui y kalop sa ai nai ne.

Kati Nai 16:8

Mosi my korah teng y napi bi nai ly “Nangchi Levi theaungchi awi, tangai u!

Ezekiela 44:16

Nichi naini kai i Achura yhm theung y kun iy, kai i maichamra kalop sa nai Achura yhm y chiu naira y lu sa u ai.