Kati Nai 15:4 - Khumi Common Language Bible

^4-5 Areng teng y beram, ti y baly mi-i hawi leng patlum nai kapathypra talam nai khumi ly tawnbawi hawi vanrei, teicha teinei katalamra y olive asitui palang nyhrei hawi katlen nai tako dei sie thomrei bo y, kreip hang palang nyhrei py syn ai nai tla.

Kati Nai 15:4 ပူးပေါင်းရင်းမြစ်များ

THEU NAI 29:40

Angchei i talam nai beram cho ly chajai tako dei sierei hawi olive asitui palang nyhrei katlen nai kapathypra talam ai nai tla. Kreip hang palang nyhrei py katalamra palawn iy leih ai nai tla.

Levi 23:13

Huni leng patlum nai kapathypra hawi vanrei, olive asitui katlen nai tako dei sie pangrei ai teicha teinei kapathypra palawn iy talam ai nai tla. Hini talam nai mui kahawi ai Areng ly kawn pi nai ne. Huni kapathypra hawi vanrei, kreip hang palangrei talam ai nai tla.

Levi 6:14

Hinichi ly teicha teinei talam ai nai i vui y reita leu pei naichi ne. Aron i kangpreang pathyp pi nai keung ly maicham mo y Areng teng y teicha teinei talam ai nai tla.

Levi 2:1

Amimi py Areng teng y teicha teinei talam ai nai ngai baly, tako dei talam ai nai tla. Huni tako deira y olive asitui hawi miu katui leih iy;

Levi 14:10

Kani tajarei kani y ni ly no-na by y iy sanengrei awm nai beram kataichy nyhrei, beram nuchy harei, olive asitui hawi katlen nai tako dei sie tariurei hawi, olive asitui palang ka-hyhrei syn ai nai tla.

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

Ezekiela 46:14

Takodei sie vui palyh pa-ngo sie pangrei py khawn tleirei talam ai nai tla. Huni tako dei hawi katlen ai nai olive asitui palangrei bo y ka-hyhrei py talam ai nai tla. Areng teng y talam nai hini katalamra reitachi ly deungrei khaw jojo ai nai tla.

ISAIA 66:20

Nichi ly khumi cheng cheaungkhangchi teng i nai nangchi i chengchi ai Areng i vui langseaung kamta, hawi ali teang ai. Israela chengchi ly thengthai khulawnchi ai reita kamta, laawm kachaichira y khai iy Achura yhm mang y syn u nai kamta huni khumichi ly huni langseaungchi ai keaungngo, keaungngo kano kasau, Kula-iuchi, keaungngo ka-ri hawi si ka-richi tleaung y tang iy, Jerusalem mary i chai parai nai mawi salo y syn u ai.

TARA CHIH NAI KEUNGCHI 9:9

Olive keung my, ‘nangchi ai kang peang lawh ai nabaly, tameuhchi i tahm awm nai hawi khumichi i tahm awm ai nai sabawm pi nai, kai i asitui patheu nai ly anawn vui ai nai tla ai,’ nanai pathang.

Levi 2:15

Hunira y olive asitui hawi mui kahawi tabawi ai nai tla.

Levi 1:13

Ni ly takuta hawi kheuchi tui hawi paju pyn ai nai tla; pathyp pi nai keung ly bom verei maicham salo y leng patlum ai nai tla. Hini talam nai mui kahawi ai ly Areng my kawn pi nai ne.

Levi 3:7

Beram hawi apathyp nai khumi ly,

Kati Nai 28:4

Beram cho harei nai ly khawn mang y talam iy, harei nai ly dym mang y talam ai nai tla.

Kati Nai 28:12

Teicha teinei katalamra y olive asitui hawi katlen nai tako dei talam ai nai tla. Si katai ha harei hawi vanrei, tako dei sie saryhrei py, beram katai hawi vanrei tako dei sie pangrei py,

EZARA 7:17

Nang ly hini tangka ai hawihai palai pasum ly si katai beaungjeaung, beram katai, beramcho, chohpui chomaw hawi kreip hangchi van iy, Jerusalem mary Achura yhm maichamra y talam ba.

Kati Nai 29:6

Lo tleirei, lo si kani harei kani y talam nai leng patlum nai katalamra, huni hawi vanrei teicha teinei katalamra, kani tleirei leng patlum nai katalamra, huni hawi vanrei teicha teinei katalamra, kreip hang katalamra bo y, hini katalamrachi py talam ai tla. Hini teicha teinei katalamrachi i mui kahawi ai ly Areng my kawn pi nai ne.