Kati Nai 15:3 - Khumi Common Language Bible

³ “Nangchi ly Areng teng y leng patlum nai kapathypra mo, vaineng lawi y ai nai kapathypra mo, paleung kangai kapathypra mo, sa reng nai reita pawichira y apathyp nai katalamra mo, talam nai khala y, si katai, beram katai, mi-ichi talam pajau. Hini katalamrachi i mui katui ai ly Areng my kawn nai ne.

Kati Nai 15:3 ပူးပေါင်းရင်းမြစ်များ

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

EZARA 7:17

Nang ly hini tangka ai hawihai palai pasum ly si katai beaungjeaung, beram katai, beramcho, chohpui chomaw hawi kreip hangchi van iy, Jerusalem mary Achura yhm maichamra y talam ba.

SAM 54:6

Aw Areng, kai ly nang teng y amo theu parai naimy amthyp ai; nang ly hawi nai deaungkho y, kai ly kawn naimy palo ai.

THEU NAI 29:18

beram katai bom verei ly maicham salo y leng patlum ai nai tla; huna nai leng patlum nai mui kahawi ly Areng my kawn pi nai ne.

THEU NAI 29:25

Naibaly nichi kiu i kapathyprachi ly maicham salo i leng patlum nai tawnbawi salo y khai iy, leng patlum ai nai tla. Huna nai leng patlum nai mui kahawi ly kai ai kawn hai nai ne.

THEU NAI 29:41

Dym mang y pa-nyh i beram cho talam; khawn mang y talam nai tako dei, olive asitui, kreip hang neh nai jirei, dym mang py talam; Hini ly kai Areng ai kawn hai nai mui kahawi katalamra ne.

Levi 10:13

Huni tako ly meingtym kachaira y cha ai nai tla. Huni tako ly Areng teng y talam nai katalamra theung i, nang hawi nang i chapochi i vui phy ne. Huni ly Areng my kai teng y ang pei nai reita ne.

Levi 7:16

Khumi ami py amy i tau ka-vo adeu nai py ne sy, amy i paleung kangai py ne sy, leunghawi kapathypra talam nai khala, talam nai kani y tawnbawi mawi cha keng ai nai tlo y. Kamlai ly kani pa-nyh khrairei cha ai nai nga.

Kati Nai 28:27

Nangchi ly no-na by y nai si katai beaungjeaung nyhrei, beram katai harei hawi sanengrei awm khyh nai beram katai saryhreichi ai, Areng my kawn nai mui kahawi palawn ai nai leng patlum ai nai tla.

Kati Nai 29:8

No-na by y nai si katai harei, beram katai harei hawi sanengrei awm khyh nai beram katai saryhreichi ai Areng my kawn pi ai nai mui kahawi palawn iy leng patlum ai nai tla.

Kati Nai 6:15

Ni ly olive asitui hawi tako dei katlen iy sa nai angbo abawi y nai tako thotleung naichi hawi, olive asitui kaleu nai angbo abawi y nai tako phichi takhurei talam ai nai tla. Huni bo y teicha teinei kapathypra hawi kreip hang katalamrachi talam ai nai tla.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

II KORINTH 2:15

Kaichi ly paheng dudu naichi hawi tama dudu naichi theung y py Tameuh teng y Krista i mui katui ne;

II KORINTH 2:16

kamkawm hareichi i vui ly deira y dei ai nai kamui ne; kamkawm takhrachi i vui ly hengra y heng ai nai kamui ne. Hunai kamtachi i vui ly ami pha pajau ai mo?

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

Leu Thui Nai 12:11

Areng ly nangchi i vui mymy ai chiu ai nai meingtym harei ang vawi pi takhra ai. Kaimy leu pei nai kamta nangchi leng patlum nai kapathypra hawi takhra kapathypra bawibawichi, horei y harei hawi katalamrachi, huni meingtym y syn u ai nai tla.

Leu Thui Nai 12:17

Areng teng y talam nai kapathyprachi ly nangchi awm nai marychira y cho u moh. Chohnei chokram, kreip hang, olive asituichi theung i horei y harei, si hawi beramchira i cho chaluchi, Areng teng y adeu yb nai katalamrachi, amy i paleung kangai katalamchi hawi takhra talam nairachi ly nangchi i marychi theung y cho u moh.

Leu Thui Nai 12:6

Nangchi ly huni meingtym y leng patlum nai kapathypra hawi takhra kapathypra tawnbawichi, horei y harei hawi katalamrachi, Areng teng y adeu nai katalamrachi, paleung kangai talam naichi, nangchi i si hawi beram cho chaluchi, hunichi ai Areng teng y talam ai nai tla.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.