Kati Nai 14:3 - Khumi Common Language Bible

³ Areng ly ati mana nai y kaichi ai, huni pri mang y pahawi lawh mo? Kaichi ly tavai keung y kadei u ai bo he. Kaichi i aju chanauchi ly paleung ka-echi my patiu vui ai. Lu sa nai keung vawi iy Aikupta pri y vawi ali teang nai ly hawi khere y a?,” nanai josei u bo.

Kati Nai 14:3 ပူးပေါင်းရင်းမြစ်များ

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

SAM 78:40

Nichi ly daichi ka-vymra y mymy ai avawrei tiu u; mymy ai avawrei paleung phra hai u lawh ly.

THEU NAI 16:3

“Areng ly kaichi ai Aikupta pri y dei hai khyly hawi keh alam ai; kaichi ly huni pri y mawi hawi tako kajeu kawi pa-rei cha ai nai nga; vai ly kaichi ai kajeu ka-lam y dei hai ai nai, hini daichi ka-vym y ang pahawi nai na a hi ly” nanai josei u lengleang bo.

THEU NAI 5:21

Nichi my ly “Samrang hawi miteaung kehchi my kaichi ai niu ngai y ai nai, nangni sa hawi nai deaungkho y Areng ly nangni ai pajeng sy; kaichi ai padei ai nai nangni ly nichi kiu y haisau au hawi lawh nai bo,” napi.

JEREMIA 42:14

Tavai ka-jeira avum bi y ai nai, tavai pasau ai nai baw katyn thai bi y ai nai, kajeu kanglam by y nai Aikupta pri y kaichi kachei u ai,’ nanai nangchi thui ai nai avo y.

JEREMIA 42:19

Hunaibaly kaimy thui pi bi nai ly “Juda pri y awm rai nai nangchi ai, Aikupta pri y chei y ai nai Areng my leu ang pei nai ne.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

Kati Nai 11:20

mawi ly amleu ano iy palei na pa-rei, lo jeungrei cha ai nai nga u ai. Ati mana nai mo na baly nangchi Aikupta pri y kadeaung naimy, nangchi hawi vanrei awm nai Areng ai patlaw su iy, josei tangam u nai deaungkho y ne’,” napi.

Kati Nai 16:13

Nini my, “Nang ly kaichi ai teicha teinei awm nai Aikupta pri i dengdairei hini daichi ka-vym theung y padei be ai nai pahawi nai ly paleung anyp y rai a? Vai nang ly kaichi i tlang tleaung y areng amlawn ai nai ngai nai sai a?

Kati Nai 20:3

josei u nai ly: “Kaichi ly hina nai kamta patang nai tleaung y ly kaimychi i amjo amnauchi hawi vanrei, Areng i awmra Tabynako mo y dei nai ly hawi keh alam rai.

Kati Nai 21:5

Tameuh hawi Mosi nini ai josei u; nichi my, “Teicha teinei by y nai hini daichi ka-vym theung y dei hai ai nai, ati mana nai y kaichi ai Aikupta pri i dengdairei pahawi nai mo? Hini meingtym y teicha teinei py tui py by y pui be? Kalum kathau by y nai hini teicha teineichi py kaichi paleih na bo” nanai josei u.

AMTAW 7:39

achi i amsi sangumchi ly mymy i leu tangai ai nai ngai y i, paka veng iy Aron teng y,

Leu Thui Nai 1:39

“Naibaly Areng my achi bawibawi teng y, ‘Nangchi ly paleung ka-echi kiu y tym ai, nanai thui nai cho deaungdichi, hawi nai hawi y nai khawilang thai y nai nangchi i cho deaungdichi naini huni pri y kun u ai. Kai ly huni pri nichi teng y pei nai deaungkho y, nichi ly peang u ai.