Kati Nai 11:2 - Khumi Common Language Bible

² Naibaly Khumi mipuichi ly sabawmra nga ai nai Mosi ai palau u; Mosi my Areng teng y chiu sa pi i, mai ly rym chauchau vui bo.

Kati Nai 11:2 ပူးပေါင်းရင်းမြစ်များ

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

THEU NAI 10:18

Naibaly Mosi ly samrang teng i nai theu iy, Areng teng y chiu sa pi.

THEU NAI 34:9

“Aw Areng, nang ly kai ai paleung no baly, kaichi hawi vanrei chei ai nai kang takeng. Hini khumichi ly paleung tang nai cheng ne; na i py kaichi i sa tamang nai hawi kamngo naichi pahen pi kyh ly kaichi ai nang i khumichi ne, nanai palawn teang kyh ba,” napi.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 37:3

Samrang Zedekiah ly Shelemiah i chapo Jehuka hawi Maaseiah i chapo pathyp pi nai keung Zephaniah nini ai kai teng y pato nai deaungkho y, nini ly kai teng y, “Achi i pri i vui, achi i Areng Tameuh teng y chiu so pi,” nanai thui hawi.

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

Kati Nai 12:11

Mosi teng y, “Sara awi, kaini i sa tamang nai kamngo molam y, kaini ai pajeng mo kyh ba.

Kati Nai 12:13

Naibaly Mosi ly Areng teng y, “Aw Tameuh, Miriam ai ly hawi so pi teang kyh ba!” nanai aeu naimy hnei takeng pi bo.

Kati Nai 21:7

Hunaibaly khumi mipuichi ly Mosi teng y chei u i, “Kaichi ly Areng hawi nang ai py ka-awi sa iy katamang u bo. Hini pavuichi la pi pawn ai nai Areng teng y chiu so pi kyh,” nanai takeng u. Naibaly Mosi my nichi i vui Areng teng y chiu sa pi.

AMTAW 8:24

Naibaly Simon ly, “Nangchi i atiti thui naichi ly kai i tlang tleaung y ati sai py tym y ai nai Areng teng y chiu so pi kyh,’. nanai pathang.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.

I JOHAN 5:16

Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.