Kati Nai 11:1 - Khumi Common Language Bible

¹ Khumi mipuichi ly mymychi i ngari kamtang avum nai molam y, Areng ai josei u nai khala, mymy ly khri pa-rei kado theu i, nichi i tlang tleaung y mai tla hai. Mai ly tai naira kachawn mang y awm nai khumichi ai kang bo.

Kati Nai 11:1 ပူးပေါင်းရင်းမြစ်များ

ATITI AWM ANGCHEI NAI 38:10

Onan ly Areng i kangai so y nai deaungkho y, ni ai ly Areng my ngai y i, ni ai py deung dawi hai vui bo.

2 SAMUELA 11:27

Vo tangam nai neng tem nai khala y, Davida ly ni ai samrang i yhm y palau hai i, samrangnu ra y palyn iy chapo tapen bo. Na i py Areng ly Davida i sa nai sai khrei pi y nai ne.

2 ARENG KEH 1:12

Elija my, “Kai ly Tameuh i khumi ne nabaly, kani mang dengdairei mai tla iy nang hawi nang i khumichi ai kang chauchau sy!” napi. Naibaly tlenrei khyhmy kani mang dengdairei mai ly tla kathiu i, tavailu hawi ni i khumichi ai kangbe bo.

JOBA 1:16

Huna nai huni khumi my thui pi i, leu tem y rai khala my takhra miseaung leaungrei tym i, “beramchi hawi beram typ nai keungchi ly alipakang tla hai i, dei u be bo; kaimy leaungrei naini tleaung khyh i, areng nang teng y kang jeu iy, satang kang thai hai nai ne,” napi.

SAM 106:18

Maikadeu ly nichi nithun abang nai khumi hawi y naichi tlang tleaung y tla iy kang be bo.

SAM 78:21

Areng ly huni khumichi i leu thai nai khala kado theu i, mymy i khumichi ai mai y kang hai bo. Nichi ly mymy ai ym u y;

SAM 78:63

Thawndeang ka-chengchi ly tavai keung y dei be nai deaungkho y, anglo ka-cheangchi hawi apom ai nai leaungrei py by y leang bo.

THEU NAI 16:7

Khawn khutawi baly Areng i nang parai nai sangso kangvang ly angvang teaung nai nangchi niu u ai. Mymy ly nangchi i josei nai thai bo, achi ly mymy i leu pei naichi naini sa ai nai tla khyh,” napi.

THEU NAI 16:9

Mosi my Aron teng y, “Khumi mipuichi ly Areng i mo y jeu u ai nai leu pei; ati mana nai mo na baly mymy ly nichi i josei naichi thai bo,” napi.

ISAIA 10:17

Israela chengchi i kangvang ne iy, chai parai nai Tameuh ly aleng keung amjy cheaungkhang takhawi y naimy, ati cheaungkhangchi ai kanirei y my kang hai nai mai kamta atawm ai.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

TANGAM NAI LEU 3:39

Achi ly amychi i kamngo molam y pajeng naira avum nai thym khala, ati mana nai y tangam u lawh ai mo?

Ezekiela 20:36

Aikupta pri daichi ka-vym y nangchi i amsi pajochi ai kaimy pajeng nai kamta, vai nangchi ai py kang pajeng ai,” nanai sa thai naira angym nai Areng my leu pei bo.

Levi 10:2

Huna nai y tlenrei khyhmy Areng teng i mai kangveaung tla hai i, Areng i mo y mai my kang i dei hawi mei bo.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

HABAKKUK 3:5

Mymy ly mymy mo i my, no kanghawi pato iy, nithun mang ly dei areng abang hai bo.

Kati Nai 10:33

Khumi mipuichi ly Sinai mawi kachai dengdairei theu iy, kani thomrei ka-teng tako u bo. Nichi ai tai naira meingtym pei ai nai Areng i Leu Maikawm Pawm ly nichi i momang y tako hai jojo.

Kati Nai 11:18

Vai nang ly khumi mipuichi teng y hina nai kamta thui pi; ‘Nangchi ly khawndam apachai u, nangchi mawi cha ai nai nga u ai. Kaichi ly Aikupta pri y mawi bym pa-rei cha ai nai nga, nanai thui nai py, hu y heng nai hawi keh alam, nanai josei tangam naichi py Areng ly thai bo. Areng my nangchi ai mawi ang pei ai bo i, nangchi cha ai nai nga u ai.

Kati Nai 12:2

Nini my, “Areng ly Mosi dengdairei leu pei pajau khyh nai sai a? kaini dengdairei py leu pei pajau y nai sai a?” nanai thui hawi bo. Huni leu ai Areng ly thai nai ne.

Kati Nai 14:2

Nichi ly Mosi nini Aron tlang tleaung y, “Kaichi ly Aikupta pri y mo py ne sy, hini daichi ka-vym y mo py ne sy, dei nai ly hawi keh alam rai!

Kati Nai 14:22

hini khumichi theung i amimi py huni pri y kun ai nai ngo y; nichi ly kai i nang parai nai kangvang sangso py, Aikupta pri hawi daichi ka-vym theung y kai i sa nai rengrang tlai naichi niu teu i py, nichi ly kai ai tahm khai y jojo iy, kai i leu py tangai u y.

Kati Nai 14:27

“Hini khumi aso y naichi ly mana tanrei kai i tlang tleaung y josei u ai mo? Israela chengchi i josei nai katyn ly ka thai amawndui na bo!

Kati Nai 14:28

Vai, nichi teng y hina nai kamta amti pi: ‘Kai Areng ly nangni i hnei nai kamta sa pi ai.

Kati Nai 16:11

Nang hawi nang i ka-bang bawibawichi my Aron ai josei u nai ly Areng ai tiu tatang nai teu bo,” napi.

Kati Nai 16:35

Naibaly Areng my mai kangveaung tla hai i, rimui mui katui talam nai khumi leaung 250reichi mai my kang be bo.

Kati Nai 17:5

Kaimy vawi takhra nai khumi i cheaungvawi ly sai ampho ai mang. Huna nai kamta sa baly Israela chengchi my nang i tlang tleaung y avawrei josei nai anawn u ai,” napi.

Kati Nai 21:5

Tameuh hawi Mosi nini ai josei u; nichi my, “Teicha teinei by y nai hini daichi ka-vym theung y dei hai ai nai, ati mana nai y kaichi ai Aikupta pri i dengdairei pahawi nai mo? Hini meingtym y teicha teinei py tui py by y pui be? Kalum kathau by y nai hini teicha teineichi py kaichi paleih na bo” nanai josei u.

I KORINTH 10:10

Naibaly nichi theung i nai phyreichi ly preaung iy, tama hai nai keung my tama hai nai kamta ly preaung u moh.

Leu Thui Nai 25:18

Nichi ly Tameuh ai jei y nai deaungkho y, nangchi atho kheih, atho bai nai thym khala, nangchi i nithun mang hui iy ang tiu u bo, kangkhym y awm jo nai bawibawichi ai py nichi my padei be nai ne.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

Leu Thui Nai 9:22

“Nangchi py Tabera meingtym, Massah meingtym, Kibroth Hatava meingtym y awm nai thym khala py, Areng Tameuh ai kado theu hai u bo.

HEBRAI 12:29

ati mana nai mo nabaly achi i Tameuh ly kang hai nai mai ne.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.